22 июн 2013 10:25Тоҷикистон / Иҷтимоӣ

Боздошти мулло Ҷаббор барои “чашмбандӣ” ва дуздии 80 000$

Кормандони Раёсати Вазорати умури дохилии вилояти Хатлон як гурӯҳи мутташакили ҷиноиро бо сарварии муллое боздошт намудаанд, ки дар рабудани маблағҳои калон муттаҳам мешаванд.

Тавре аз раёсати мазкур хабар доданд, Ҷаббор Атохӯҷаевич Абдурраҳмонов, сокини ноҳияи Бохтар, ки даъвии муллоӣ дорад, се нафар шарики ҷавонашро ба амали дуздӣ ташвиқ намуда, гуфтааст, бо чашмбандӣ ва дуохонӣ пеши корро мекушояд ва баъд аз дуздӣ низ касе наметавонад онҳоро дастгир созад.

Бо ҳамин бовар ин се нафар ҷавон, ки масъули тафтишот то хатми парванда аз ифшои номашон худдорӣ варзид, рӯзи 17-уми феврали соли 2013, тақрибан соати 01.30 аз манзили истиқоматии соҳибкор Толиб, сокини шаҳри Қӯрғонтеппа, як адад сандуқи фӯлодиро, ки дар дохилаш беш аз 80 ҳазор доллари ИМА нигоҳдорӣ мешудааст, ба яғмо бурдаанд.

Мақомот мегӯянд, мулло Ҷаббор барои хизмати “чашмбандӣ” аз шариконаш 35 ҳазор доллари ИМА ҳақмузд гирифтааст.

Айни ҳол тафтиши қазия аз ҷониби РВКД-и вилояти Хатлон алҳол ҷараён дорад.

Мӯҳр

Хабарҳои монанд:

Анас

Шумо бояд калимаи муллоро дар нохунак мегирифтед е ин ки ин калимаро аслан истифода намебурдед.Чун ки инхо мулло не балки чодугаранд.

Ҷавоб диҳед Иқтибос Шикоят

Камол

Анекдот шудаст-ку ин! Аммо ман мехохам дар дигар хусус гуям: бачахо, хеч гох сандуки фулодиро СЕЙФ нагуед, зеро осон ва фахмо аст. Мабодо ба хонанда фахмидани навиштахоятон фахмо нашаваду нагуяд, ки инхо савод хам надоштаанд! Ва боз пешниход мекунам, ки калимахои иктибосии ЧОЙНИК (руси), КАЛУШ (франсузи) ва гайра аз забон бардошта шаванду ба чойи онхо КОСАИ САРПУШУ ЧУМАКДОР ва ПОПУШИ РЕЗИНИ ва монанди инхо истифода шавад.

Ҷавоб диҳед Иқтибос Шикоят

Эзоҳ илова кунед