Русский  >>  فارسی  >>  Панҷшанбе 8 декабр 2016, 16:54

Ҳамасола дар Қирғизистон то 12 000 арусро медузданд

22 июн 2013, 10:33

Ҳамасола дар Қирғизистон аз 8 000 то 12 000 арус дуздида мешавад. Аз се ду ҳиссаи рабудашудаҳо аз қабл мувофиқа намешаванд, ки ин ҷиноят маҳсуб мешавад. Тақрибан ба номуси 2 000 зан дастдарозӣ мешавад. Ин нуктаро Стюарт Кан, раҳбари барномаи Хонаи озодӣ дар Қирғизистон иброз доштааст.

Ӯ аз ҳукумати Қирғизистон даъват кардааст, барои ҷилавгирӣ аз дуздии арусон чораҳои зарурӣ андешад. «Даъвоҳоеро, ки рабудани арус як ҷузъи анъанаи қирғизҳо аст, тамоми донишмандон рад мекунанд, зеро чунин ҳолатҳоро ба ғуломӣ мешавад баробар кард. Дуздӣ - ҷиноят аст, новобаста аз ҳадафҳое, ки дунбол дорад. Ҳукумати Қирғизистон бо чунин муносибат ба ин масъала як навъ ҷонибдории худро ба қонуншиканӣ ва нақзи ҳуқуқи инсон баён мекунад»,-афзудааст Стюарт Кан.

Раҳбари барномаи Хонаи озодӣ дар Қирғизистон илова карда, ки «бояд қонуни иловагие тасвиб шавад ва тибқи он домуллоҳо барои бастани ақди никоҳ бидуни мувофиқаи ду ҷониб ва қайди сабти асноди ҳолати шаҳрвандӣ (ЗАГС) ба ҷавобгарӣ кашида шаванд».

Ба пешниҳоди ӯ, ҳукумат бояд дар мавриди ғайриқнунӣ будани рабудани арусон иқдоми густурдаеро роҳандозӣ намояд ва аз тариқи расонаҳо, махсусан телевизион онро тарғиб намояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!