Русский  >>  فارسی  >>  Шанбе 3 декабр 2016, 11:42

Як сокини Бадахшон дар Маскав мусобиқаи волейбол ташкил кард

22 июн 2013, 13:57

Имрӯз, 22-юми июн, дар шаҳри Маскав, пойтахти Русия, сабқати волейбол миёни дастаҳои ҳаваскор оғоз мешавад. Дар ин бора торнамои «Русия барои ҳама» иттилоъ додааст.

Ба иттилои манбаъ, мусобиқаи волейболро Тоҷиддин Исмоилов, як зодаи ноҳияи Роштқалъаи Бадахшони Тоҷикистон, ки алъон дар Русия кору зиндагӣ дорад, созмон додааст. Исмоилов ба «Русия барои ҳама» гуфтааст, ки мусобиқа дар як майдонҳои боз, воқеъ дар наздикии истгоҳи «Домодедово» ва хиёбони «Рязан» баргузор мешавад.

«Барои гузарондани мусобиқа аз масъулин иҷоза гирифтаем. Бозиҳо дар як маврид дар ду майдони варзишӣ ҷараён мегиранд», -гуфтааст ӯ.

Барои ширкат дар бозӣ 22 даста дархост фиристодаанд, ки ҳамаашон шаҳрванди Тоҷикистон, ба вижа минтақаи Бадахшони Куҳӣ буда, аз 17 то 48 сол доранд.

Бозиҳо рӯзи шанбе ва якшанбе, 22 ва 23-юми июн аз соати 16.00 то 21.00 ҷараён мегирад. Ғолиби ҷои аввал 80 ҳазор рубл ва ғолиби зинаи дуюм 30 ҳазор рубл хоҳанд гирифт.

Мавриди ёдоварист, 12-уми июн дастаи волейболбозони вилояти мухтори куҳистони Бадахшон - «Помир» дар «Спартакиадаи иттиҳодияи миллӣ-фарҳангӣ ва ташкилоти ҳамдиёрони шаҳри Маскав», ки бо ширкати 53 даста баргузор шуд, ҷои сеюмро ишғол карданд.


Шарҳи худро бинависед:

Ном:*
E-Mail:
Матни шарҳ:
Посух додан
  • said

  • 22 июн 2013 16:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шумо бародарон журналистхо дуруст нависед..як сокини Точикистон...кадом бадахшон...набошад..курготеппа ..худжанд..панч ва гайра..ин гуна хатогихое ки махалгароии пинхониро таблиг мекунад бас кунед ..илтимос...
Посух додан
  • nosir

  • 24 июн 2013 17:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
агар як бадахши бо 300 грам нашъа дастгир шавад ТВ - хукумати 40 бор бо насабу ному махалаш уро намоиш медихад. агар дар панчу фархор касеро бо 300 кило бикапанд як бор хам чехраву номашро мамебини сири махфи гуфта. махалгарои хамин аст дия. шумо бошад аз фолейбол ба газаб меояд ташкил кунед то ному махалатонро реклама кунанд...

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!