Русский  >>  فارسی  >>  Чоршанбе 7 декабр 2016, 00:55

“Сомон Эйр” муштариёнашро 12 соат саргардон кардааст

24 июн 2013, 11:03

“Сомон Эйр” парвози як ҳавопаймояшро аз Хуҷанд ба Душанбе барои 12 соат ба таъхир гузошта, барои муштариёнаш мушкилотро ба бор овардааст.

Бархе аз мусофирон субҳи 24-уми июн ба “Озодагон” тамос гирифта, иттилоъ доданд, ки парвоз бе огоҳии пешакӣ аз соати 8:00-и субҳ ба 20:00–и шом гузошта шудааст. "Ин боиси саргардониҳои мо, аз ҷумла модароне, ки бо кӯдаконашон омадаанд, дар фурудгоҳ гардидааст",-афзуданд мусофирон.

Дар баробари ин, Зебоҷон Қурбонова, яке аз муштариёни норозии “Сомон Эйр” таъкид кард, таъхиркориҳои ин ширкат боиси аз кор дер мондани чандин мусофир гардидааст. Қурбонова илова намуд, ки танҳо баъд аз саргардониҳои чандсоата, намояндаи “Сомон Эйр”, Замбӯров Давлат назди мусофирон ҳозир шуда, таъхири парвозро дастур аз Душанбе гуфтааст ва таъкид кардааст, ки мусофиронро танҳо бо меҳмонхона таъмин мекунад, вале ғизою дигар хароҷотро ба дӯш намегирад.

Ин дар ҳолест, ки ахиран Низом Ҳакимов, вазири нақлиёти Тоҷикистон аз фаъолияти ширкатҳои ҳавоии Тоҷикистон интиқод карда, ҳушдор дод, ки агар камбудиҳо ислоҳ нашаванд ин бахш ба рӯйхати сиёҳи байналмилалӣ ворид мешавад. Созмонҳои байналмилалии ҳавонавардӣ ҳам барои ислоҳи камбудҳо ба Тоҷикистон то моҳи ноябр муҳлат дода, таъкид кардаанд, ки дар акси ҳол парвози ширкатҳои ҳавоии тоҷик ба Аврупо ва бархе кишварҳои дигар манъ хоҳад шуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Муштарии Сомон эйр

  • 24 июн 2013 14:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
агар Аврупо дигар хавопаймохои точикистонро кабул накунад шармандагиест, ки хеч ногуфтани. Масъулини мо фикр мекунанд, ки бо чан танга ва ё таго Арупоро хам мехаранд барои хамин ягон тагирот нест.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!