Русский  >>  فارسی  >>  Панҷшанбе 8 декабр 2016, 12:54

Домулло Сироҷиддин "барои рафтори хубаш" озод шуд

24 июн 2013, 11:35

Сироҷиддин Абдураҳмонов, маъруф ба домулло Сироҷиддин, ки се соли қабл ба ҷурми салафигароӣ маҳкум ба зиндон шуда буд, аз боздошт раҳо шудааст. Одинашоҳ Муродов, сухангӯи Вазорати адлияи Тоҷикистон, ба “Озодагон” гуфт, домулло Сироҷиддин субҳи 24-уми июни соли ҷорӣ аз боздошт раҳо шуда, ба манзилаш рафтааст.

Оқои Одинаев афзуд, “домулло Сироҷиддин аз рӯи рафтори намунавияш аз зиндон озод шуд. Дар зиндонҳо ба маҳбусон чунин имтиёзҳо дода мешавад, ки агар рафтори намунавӣ дошта бошанд, муҳлати нигаҳдорияшон кам карда мешавад. Ӯ барои рафтори намунавияш пеш аз муҳлат аз зиндон озод гардид.”

Домулло Сироҷиддин моҳи январи соли 2010 ҳамроҳ бо ҳафт нафари дигар, ки дар миёнашон писараш Киромиддин Абдураҳмонов низ буд, ба ҷурми пайравӣ аз ҷараёни мамнӯи Салафия ба ҳафт соли зиндон маҳкум шуд. Додгоҳи ноҳияи Сино гуфта буд, домулло Сироҷиддин ва ҳамроҳонаш бо баланд гуфтани омину рафъи ядайн (боло кардани дастҳо) миёни мусалмонон тафриқа андохтаанд.

Пайравони Салафия тақрибан соли 2005 дар масҷидҳои Тоҷикистон пайдо шуда, бо рӯҳониёни мазҳаби ҳанафӣ бештар рӯи масоиле мисли баланд гуфтани омину хондани рафъи ядайн баҳс доштанд. Мақомоти Тоҷикистон дар оғоз ҳузури ин гуруҳро безарар дониста, сипас, дар соли 2009 онро як ҷараёни мазҳабии мамнӯъ эълон карданд.

Домулло Сироҷиддин 47 сол дорад ва дар ноҳияи Абдураҳмони Ҷомии вилояти Хатлон ба дунё омадааст. То соли 2009, замони боздошташ, дар масҷиди панҷвақтаи маҳаллаи “Зарафшон”-и Душанбе ба ҳайси имом фаъолият мекардааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом Озодагон!
Барои чи ин 7 сол гирифт ва да 3 сол озод шид?
Таги коса ним коса аст?
да масчиди якум советский пури салафи аст. руишот таблиг кардестан.
салафиои терористора умри абад дихан
Посух додан
  • Garib

  • 24 июн 2013 11:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ханафи,
Alloh turo hidoyat kunad barodar, charo tu dar haqqi barodaroni musalmon du'oi bad mekuni? Zero ba khotiri az fitna dur shudan in barodaroni musalmon khostan tanho az rui dalelhoi saheh va oyahoi Qur'on raftor kunand?
Посух додан
  • Said

  • 24 июн 2013 13:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
калимаи ҳақро гуфтан беҳтарин ҷиҳод дар назди Худованд мебошад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!