Русский  >>  فارسی  >>  Ҷумъа 9 декабр 2016, 06:54

Таҳдид ба Давлатёр, шоҳиди марги Ҳамза Икромзода

24 июн 2013, 17:12

Давлатёр Қурбонов, як маҳбуси зиндони рақами аввали Душанбе, ки шоҳиди марги Ҳамза Икромзода дониста мешавад, таҳти фишор ва таҳдид қарор гирифтааст.

Дар ин бора рӯзи 24-уми июн Амиралӣ Икромов, бародари Ҳамза Икромзода, хабар дода гуфт, чанд рӯз пеш маъмурони зиндон аз Давлатёр Қурбонов тақозо кардаанд, ки аз додани шоҳидӣ даст кашад.

Амиралӣ Икромов гуфт, “огоҳ шудем, ки маъмурон ба Давлатёр Қурбонов гуфтаанд, дар сурати саркашӣ кардан ба ҳуҷраи якнафара гузаронда мешавад. Ва аз он ҳуҷра зинда нахоҳад баромад”.

Икромов мегӯяд, онҳо бо вакили дифоъ Бузургмеҳр Ёров тамос гирифтаанд, то аз ҳуқуқи Давлатёр Қурбонов ҳимоя кунанд. Худи Бузургмеҳр Ёров дар сӯҳбат ба “Озодагон” гуфт, ҳоло мунтазири муроҷиати расмии Давлатёр Қурбонов аст, то расман ба фаъолият шурӯъ кунад.

“Аслан ҳеч ҷои пӯшида нест, ки дар зиндонҳои мо шиканҷа вуҷуд дорад. Давоми ин солҳо боре ҳам гурӯҳе аз маҳбусинро аз Душанбе ба Хуҷанд интиқол надода буданд. Аммо баъди марги Ҳамза Икромзода якбора маъмурияти зиндонҳои Душанбе харҷи зиёд карда, гурӯҳе аз маҳбусинро фиристод. Ин далели он аст, ки воқеан Ҳамза Икромзода дар пайи шиканҷа ба ҳалокат расидааст”,-афзуд ӯ.

Ҳамза Икромзода, сокини ҷавони деҳаи Хирманаки ноҳияи Ҳисор, соли гузашта дар зиндони рақами яки Душанбе ба таври мармуз даргузашт. Мақомот мегӯянд, ӯ худкушӣ карда, вале наздикони ӯ бовар доранд, ки Икромзода дар пайи шиканҷаи маъмурони зиндон ҷон додааст.


Шарҳи худро бинависед:

Ном:*
E-Mail:
Матни шарҳ:
Посух додан
  • озод

  • 25 июн 2013 08:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ҳамза Икромзода, сокини ҷавони деҳаи Хирманаки ноҳияи Ҳисор, соли гузашта дар зиндони рақами яки Душанбе ба таври мармуз даргузашт. ЧАРО НАМЕНАВИСЕД КИ БАРОИ ЧИ ЗИНДОНИ ШУД. НИМИ ШАБИ ХОНАИ ЯК ИНСОН БА ЧИ МАКСАД ДАРОМАД ИН КАХРАМОНИ ВАО. КИРДОРИ БАДРО ПОДОШ БАД АСТ. МАН БОВАРИ ДОРАМ КИ КАСЕ УРО ШИКАНЧА НАКАРДААСТ. ДУОИ ОН ЗАНУ ДУХТАРОНЕ КИ ДАХОНАШОРО БАСАТААНД ГИРИТФААСТ. ХОХИШ ДИГАР ДАР ИН БОРАИ ХАРФ НАГУЕД .

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!