25 июн 2013 19:57Оcиёи Марказӣ / Тоҷикистон

Бозор Собир: “Аз Айниву Лоҳутӣ хушбахттарам, ки...”

Бозор Собир, шоири тоҷик, баъд аз тамошои намоишномаи театрии “Шабе дур аз Ватан” гуфт, худро аз Айниву Лоҳутӣ хушбахттар мешуморад, ки дар зиндагӣ нақшашро рӯи саҳнаи театр дидааст.

Намоишномаи “Шабе дур аз Ватан”, ки аз сӯи Нозим Меликов ва аз рӯи ашъори Бозор Собир таҳия шудааст, бегоҳи 25-уми июн дар театри ба номи Мамуди Воҳид манзури тамошобинон гардид ва Бозор Собир ҳам яке аз бинандагон буд.

Ин шоири тоҷик гуфт, аз тамошои ин намоишнома хеле мутаассир шуда, ба кори ҳунармандон баҳои баланд медиҳад. Вай афзуд, навори ин намоишномаро қаблан дар Амрико дида буд, аммо ҳоло хушбахт аст, ки онро аз наздик тамошо кард.

Бозор Собир ба як савол дар мавриди ҳамсару фарзандонаш, ки ҳоло дар Амрико ба сар мебаранд, низ посух дод. Ӯ гуфт, бояд аҳли оилааш базудӣ ба Тоҷикистон омада, ҳамроҳи ӯ ба зиндагияшон идома бидиҳанд.

Бозор Собир, шоири машҳури тоҷик, ки имсол ба синни 75 мерасад, бегоҳи 27-уми май ба Тоҷикистон бозгашт. Ӯ дар лаҳзаҳо аввали омаданаш ба Душанбе гуфт, дар Тоҷикистон ҳизбу созмонҳои нодаркор зиёданд ва аз зиёиён даъват кард, ки ҳамагӣ дар атрофи президент ҷамъ оянд.

Ин шоири тоҷик ҳамчунин бо раисиҷумҳури Тоҷикистон дар Кохи Миллати Душанбе мулоқоти якбаяк анҷом дод ва дар пайи ин гуфта шуд, ки оқои Бозор соҳиби як манзил дар маҳаллаи Қарияи Болои Душанбе шудааст. Мақомот мегӯянд, бозгашти Бозор Собир ба интихоботи Тоҷикистон рабте надорад, иддаое, ки бархе аз соҳибназарон ва мухолифон ба он бовар надоранд.

Мӯҳр

Хабарҳои монанд:

Rustam Rustamov

ХАТОГИЕ, КИ бозор собир СОЛИ ЧАНГИ ШАХРВАНДИ КАРДА БУД ЯЪНЕ ТАРАФДОРИ МУЛЛОХО БУД ВА БАЪД АЗ ОН АЗ ВАТАН ГУРЕХТ АЗ ХАТОИХОИ ХУДАШ КИСОСРО АЗ ХУДОВАНД ГИРИФТ ЯЪНЕ АТЕИСТ ШУД 'НАЪУЗУБИЛЛОХИ МИН ЗОЛИК" ВА БОЯД ДОНИСТ, КИ ЭЧОДИЁТИ у БАРОИ МО САД СОЛ ДАРКОР НЕСТАНД!!!!

Ҷавоб диҳед Иқтибос Шикоят

farzon

Agar in ogo ba nomi Bozor choryaki hidmate,ki Aynivu Lohuti baroi millat kardand,karda bud,boyad istihola mekard,ki nomashro dar radifi Aynivu Lohuti joy dihad.Sharm ham hub chizest. Fikr namekunam,ki in ogo sharm wa gururi mardi doshta boshad.

Ҷавоб диҳед Иқтибос Шикоят

Ҷамшед

Фикр намекунам, ки фарзандони Б.Собир Амрикоро дубора ба Тоҷикистон иваз кунанд. Ин корро ҳеч кас намекунад, магар "депорт"нашавад. Ҳаминҷо ҳам Б.С. Амрикоро бадгӯи кард: "ба ман аз ким куҷо як кроватро оварданд.." Ӯ фаромӯш кард ки, агар Амрико намешуд, солҳои навади асри гузашта дар таҳхонаи КГБи ҳамонвақта аз дасти силоҳбадастон ҷон ба саломат намебурд. Банда ӯро ҳамчун як шоири муқаррарии иғвоангез мешуморам, на як шоири бузург ва шоистаи халқи тоҷик. Чӣ бирасад ба устодон бузурги тоҷик АЙНИВУ ЛОҲӮТӢ, ки Б.С ба нохуни онҳо қадре надорад. Шоир бояд як рӯйи покиза дошта бошад, на чанд рӯи чиркин.

Ҷавоб диҳед Иқтибос Шикоят

Эзоҳ илова кунед