Русский  >>  فارسی  >>  Якшанбе 4 декабр 2016, 19:16

Давлатов: “Муттаҳамон ба фасодро Оҷонсии зиддифасод ба кор мегирад”

2 июл 2013, 12:13

Як масъули бахши амнияти дохилии Вазорати умури дохилии Тоҷикистон аз он шиква кард, ки Оҷонсии зиддифасод баъзан онҳоеро низ ба кор мегирад, ки қаблан ба иттиҳоми фасодзадагӣ аз мақомашон барканор шудаанд.

Раҳмон Давлатов, масъули бахши амнияти дохилии ВУД, ки рӯзи дувуми июл дар нишасте дар Душанбе суҳбат мекард, гуфт, “рафтори кормандони Оҷонси зиддифасод аз доираи қонунгузорӣ берун буда, ҳама тартиботи муқарраршударо вайрон мекунад.”

“Ман садҳо далел дорам, ки чи гуна кормандони ин ниҳод бо сӯистифода аз вазифа ва шаҳодатномаи хизматӣ аз ҷавобгарӣ сар печида, дар баробари ин дигаронро ба фасод ва шиносбозӣ маҷбур мекунанд”,-афзуд ӯ.

Оқои Давлатов гуфт, “роҳбари шуъбаи милисаи ноҳияи Рӯдакӣ – 2, Баҳром Шокиров, ба қонуншиканӣ роҳ дод. Дар ин бора ба мо аз Оҷонси зиддифасод мавод омад. Ман бо сардори шуъбаи оҷонсии мазкур Сӯҳроб Саидалиев мулоқот намуда, ҳама ҷанбаҳои ҳолати пешомадаро баррасӣ кардам ва ба хулосае омадем, ки ба ҷинояткор ҷазои маъмурӣ дода, аз кор озодаш намоем. Мо ӯро аз кор озод намудем, аммо баъд аз 6 моҳ Оҷонсии мазкур ӯро дар вазифаи муовини сардори идораи зиддифасоди ҷумҳурӣ ба кор қабул кард. То ҳол Баҳром Шокиров дар ин вазифа фаъолият мекунад.”

Ҳусейн Сайфиддинов, мушовири раисиҷумҳури Тоҷикистон ва котиби Шӯрои миллии мубориза бо коррупсия, ки дар ин нишаст иштирок дошт, аз Раҳмон Давлатов хост, то далелҳои худро дар ин замина пешниҳод кунад. Вай афзуд, “дар сурати ба даст омадани малумоти мушаххас мо ин масъаларо дар сатҳи президент баррасӣ хоҳем кард.”


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рахмонали Давлатов яке аз чехрахои шинохтаи Чумхурии Точикистон буда хисси милли Ватанхохиш бе нихояд баланд мебошад ва дар рафти санчишхо бо хамрохии ГАИ кормандони ин марди шучо чанд нафар писарони воломакомро барои надоштани ичозатнома оиди сиёх намудани мошинхои худ чарима бастааст мо шахрвандони одди аз рафтори чунин марди бохирад бисёр каноатмандем Худо нигахбони шумо бошад
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамон масъули ВКД рост гуфтааст, дар ин очонси умуман саводу саводноке нест, ку як нафар аз он очонсиро номбар созанд ки сохиби сертификатхои чахонии CPA, CIMA, ACCA буда аз мухосиботу хисобраси бохабар аст? Хама бо пора ба ончо сохиби вазифа гардидаву факат аз паи муаллимону духтурони бенавоянд. Ку сохиби як касру мансаби калонро дастгир намоянд. Чаро Зайд Саидовро пас аз 8 соли аз вазифа рафтан имруз гунахкор донистанд? Кучо шуд мухлати гузариши даъво? То имруз ин очонсиву кормандони "ба ору номус"-и он кучо буданд? Як ба атрофи шахр бингаред, чи гуна бо маоши хукумати мансабдорон дорои касрхои бохашамати зиёда аз 100000 долл ё мошинхои пуркиммату корхонаву магозаву тарабхонахоянд?
Худованд кормандони нобинои ин очонсиро ба чазои худ гирифтор созад!!!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!