Русский  >>  فارسی  >>  Душанбе 5 декабр 2016, 21:34

Шӯрои уламо гуфт, моҳи Рамазон 9-уми июл оғоз меёбад

2 июл 2013, 14:54

Шӯрои уламои Маркази исломии Тоҷикистон, танҳо ниҳоди содиркунандаи фатво, эълом кард, ки моҳи шарифи Рамазон дар Тоҷикистон субҳи 9-уми июл оғоз меёбад. Ҳоҷӣ Неъматуллоҳ, як масъули Шӯрои уламо дар сӯҳбат ба “Озодагон” гуфт, дар ҷаласаи рӯзи сешанбе (2 июл)-и Шӯрои уламо ин сана дақиқ гардидааст.

Ин дар ҳолест, ки қабл аз эълони Шӯрои уламои Маркази исломӣ тақвимҳое ба фурӯш баромада буданд, ки бино бар онҳо низ рӯзи аввали моҳи Рамазон 9-уми июл таъин шуда буд. Аммо Шӯрои уламо ин тақвимҳоро сохта ва ғайрирасмӣ донист ва гуфт, афроде ки онро чопу паҳн кардаанд, бояд ба ҷавобгарӣ кашида шаванд.

“Имрӯз тақвими дақиқи Рамазон бо вақти маҳаллӣ таҳия карда мешавад ва фардо аз тариқи паҳнкунандагони пешкаши ҷамоатҳо ва аҳолии кишвар паҳн када хоҳад шуд”,-афзуд Ҳоҷӣ Неъматуллоҳ.

Моҳи шарифи Рамазон аз моҳҳои солшумории ҳиҷрии қамар ба ҳисоб рафта, дар тақвими исломӣ баъд аз моҳи шаъбон ва қабл аз моҳи шаввол меояд. Мусулмонон дар ин моҳ рӯза гирифта, бештар ба ибодат ва қироати Қуръон машғул мешаванд. Соли гузашта дар Тоҷикистон моҳи Рамазон 20-уми июл оғоз гардида, иди Фитр 19-уми август таҷлил шуда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!