Русский  >>  فارسی  >>  Сешанбе 6 декабр 2016, 19:06

Тӯраҷонзода: "Мардум бояд тақдири кишвару ояндаи худро ба дасташ гирад"

3 июл 2013, 08:17

Ҳоҷӣ Акбар Тӯраҷонзода, қозии пешини мусулмонон ва собиқ муовини аввали сарвазири Тоҷикистон, аз расонаҳои мустақил даъват кард, то дар арафаи интихобот мардумро ноумед насозанд. Оқои Тӯраҷонзода ин ҳарфҳоро дар нишасти дувуми Мушовараи васеъ дар мавзӯи ҳамкориҳои қишри гуногуни ҷомеа дар интихоботи президентӣ дар қароргоҳи марказии Ҳизби наҳзати исломии Тоҷикистон дар Душанбе баён дошт.

Ӯ гуфт, “бархе аз рӯзноманигорони ВАО-и мустақил, ки ормонҳои озодихоҳӣ доранду ормони дидани як ҷомеаи мардумсолорӣ дар кишварро доранд, ба ҷойи он ки мардумро умедвор кунанд, баръакс ноумед менамоянд. Онҳо мегӯянд, аҳзоби сиёсӣ барнома надоранд, то имрӯз коре анҷом надодаанд, байни мардум худро муаррифӣ накарданд, аз ин рӯ, онҳо ҳеч шансе надоранду фалонӣ дорад. Бояд гуфт, ин роҳи бедор кардан ва фаҳмонидани ҷомеа намебошад.”

Ба андешаи оқои Тӯраҷонзода, имрӯз замоне фаро расидааст, ки бояд мардумро барои гирифтани тақдири худ ба дасташ, бедор сохт: “Майдони сиёсат ҳамин мебошад, ки мо бояд ҷомеа ва мардумро бедор кунем, то тақдири кишвару ояндаи худро ба дасташ гирад.”

Ҳоҷӣ Акбари Тӯраҷонзода дар ин нишаст изҳор кард, ки нияти иштирок дар интихоботи президентии моҳи ноябрро надорад ва аммо аз номзади ягонаи нерӯҳои демократӣ пуштибонӣ хоҳад кард. То ҳоло танҳо Раҳматулло Зоиров, раиси Ҳизби сотсиал-демократи Тоҷикистон, эълом карда, ки дар сурати ҳимоят ёфтанаш аз тарафи нерӯҳои демократӣ ва ҷомеаи шаҳрвандӣ дар ин интихобот ширкат хоҳад ҷуст.


Шарҳи худро бинависед:

Ном:*
E-Mail:
Матни шарҳ:
Посух додан
  • озод

  • 3 июл 2013 09:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаро Хочи Акбар Турачонзода , номзад набошад?
Посух додан
  • А . Я.

  • 4 июл 2013 15:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом! Хочи Акбар шумо як маротиба такдири миллату давлатро ба даст гирифта будед ки инкадар тараккиву рушд кард монед индафъа дигархо гиранд то кишвар ба мисли Сурияву Мисру Авгонистон нагардад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
“Майдони сиёсат ҳамин мебошад, ки мо бояд ҷомеа ва мардумро бедор кунем, то тақдири кишвару ояндаи худро ба дасташ гирад.”
Домуллои мухтарам, Шумо дар зери мафхуми бедори чиро мефахмед? Зеро мафхуми бедори категорияи сиесии илми нест Сониян, Шумо як бор мардумро "аз хоби гарон хез!" гуфта ба майдонхо кашидед. ки дар натича чанги граждани сар зад ва шумо сохиби миллионхо доллару даххо корхонахо шудед. Шумо, агар бедории миллат ва шукуфоии онро мехохед, акккалан 500 млн. долл. ба НБО-и Рогон чудо кунед, барк мешавад, мардум ба компутархо дастраси пайдо мекунанд, чои кор хам фаровон мешававд. Агар Шумо фикр кунед, ки рохбари муаззами инкилоб чун Хоманеи мешавед, ин фикри хом аст. Дар Эрон Рухониро иннтихоб карданд, дар Миср Мурсиро сарнагун какрданд, ин хама нишонаи бедори аст, вале на он тавре ки Шумо мефахмед. Шумо як умр кашшок будед, ба сиесат даст зада бой шудед. Шукр кунед, ки боз кашшок шуда, рузатон ба оши худои намонад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!