Русский  >>  فارسی  >>  Якшанбе 4 декабр 2016, 11:07

Ваҳдат: Дуди семент сокинонро нафасгир кардааст (АКС)

26 июн 2013, 10:40

Сокинони рустоҳои ҷанубии шаҳри Ваҳдат мегӯянд, се моҳ боз дуди ғализи корхонаи семент онҳоро нафасгир мекунад, вале касе нест, ки ба додашон бирасад. Гуфта мешавад, ин дуд ба зиёда аз 30 деҳаи шаҳри Ваҳдат ва ноҳияи Рӯдакӣ паҳн мегардад.

Муҳаммадшариф Ҳисориев, як сокини шаҳри Ваҳдат ба “Озодагон” гуфт, бо имзои бештар аз 150 сокини чор деҳаи атрофи корхона унвонии раиси шаҳри Ваҳдат, додситон ва шӯъбаи экологияи шаҳр аризаи дастҷамъие навишта, хостори рафъи ин мушкил шудаанд, аммо бо гузашти наздик ба як моҳ аз ҳеч ниҳоде посух дарёфт накардаанд.

Ҳисориев мегӯяд, худи ӯ дар рустои Шӯри Поёни ҷамоати деҳоти Карим Исмоил зиндагӣ мекунад, ки дар наздикии корхона ҷойгир аст: «Дар миёни деҳаҳои Шӯри Боло ва Шӯри Поён заводи «Керамзит» мавҷуд аст, ки дар аҳди Шӯравӣ фаъолият карда, тахтасанг истеҳсол мекард. Ҳудуди чор моҳ бештар кадом як ширкати чинӣ онро иҷора гирифта, семент тавлид мекунад. Дуди ғализи ин корхона ба рустоҳои атроф паҳн шуда, ба саломатии сокинон таъсири манфӣ расондааст. Баъд аз шикояти сокинон чанд вақт шуд, ки фақат шабона фаъолият мекунанд. Баъд аз соати 22:00 дуд тамоми атрофро фаро мегирад. Саҳар вақте аз хоб мехезӣ димоғҳо маҳкам шуда, ба сӯзиш медарояд».

Вай афзуд, миёни сокинон онҳое, ки бемории қалб ва дигар маризиҳо доранд, кам нестанд ва дуди ғализ сабаби хуруҷи касалиҳояшон мешавад. Ҳолатҳои маргу мир ҳам афзоиш ёфтааст. Муҳаммадшариф Ҳисориев мегӯяд, аз таъсири дуди корхона зироат ва дарахтонашон низ хушк шудаанд.

Сокинони рустоҳои атрофи корхонаи семент мегӯянд, соҳибони он бояд ҳадди ақал қубур (лӯла)-и баланди дудбаро насб кунанд, то таъсири бади дуд ба мардум камтар шавад. «Мегӯянд, кадом як доруе ҳаст, ки дудро маҳв мекунад ва ҳар вақт ки корхонаро тафтиш омаданд, ширкати хитоӣ онро истифода мебарад. Дар ҳолатҳои дигар мардум зери дуд мемонад»,-мегӯяд, сокини деҳаи Шӯри Поёни Ваҳдат.

Мусоҳиби мо илова кард, “бештар рустоҳои Шӯри Поён, Карсанг, Неъматобод, Бузбит, Ҳаштуми март, колхозҳои Гулистону Тилои сафед, ки панҷ деҳаро дар ҳайат дорад, колхози Гулистон, совхози Телмон зери дуди корхонаи семент мондаанд. Агар шамол гирдоб диҳад (завод дар назди дарёи Элок ҷойгир аст ва бод дуди онро то дуриҳо мебарад), деҳаҳои Шӯри Боло, Исроилобод, Арбобдара, Найдара низ аз ин дуд азият мекашанд. Ҳатто чанд нафар аз Султонободи ноҳияи Рӯдакӣ, ки ба Ёвон наздик аст, гуфтанд, ки дуд ба деҳаи онҳо ҳам мерасад.”

Агар аз роҳи Душанбе-Ваҳдат ба тарафи дасти рост нигоҳ кунед, баръало хоҳед дид, ки дуди ғафзи ғализ чӣ гуна то ноҳияи Рӯдакӣ паҳн мешавад. Агарчӣ ин дуди ғафсро аксарият, аз ҷумла мақомот низ мушоҳида мекунанд, вале то ҳол барои рафъи он чора наандешидаанд. Маълум нест, ин дуди ғафси чӣ сирре дорад, ки дасти касе то он намерасад.


Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)

Ваҳдат: Дуди семент сокинонро нафасгир кардааст (АКС)


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!