Русский  >>  فارسی  >>  Шанбе 10 декабр 2016, 09:54

Ҳукуматдорони Тоҷикистон дар феҳрасти ноқобилон

26 июн 2013, 16:13

Ҳукуматдорони Тоҷикистон аз рӯи ноқобилӣ дар минтақаи Осиёи Миёна, баъди Узбакистону Қирғизистон дар зинаи сеюм меистанд.

Дар гузориши нави “Failed States Index-2013” оиди ноқобилии кишварҳои ҷаҳон, Тоҷикистон ҷои 51-ум гирифтааст. Таҳиягарони гузориш, ки ду пажуҳишгоҳи машҳури сиёсатшиносии Амрико, Бунёди амрикоии сулҳ ва маҷаллаи машҳури Foreign Policy мебошанд, асосан ба қобилияти ҳукуматдорон барои таъмини амният, идораи вазъи иҷтимоӣ, иқтисодӣ ва сиёсӣ дар кишварҳояшон баҳо додаанд.

Узбакистон ҷои 44-ум гирифта ноқобилтарин кишвари минтақаи Осиёи Миёна арзёбӣ шудааст. Қобилтаринаш Қазоқистон будааст, ки дар зинаи 109-ум ҷойгир шудааст.

Ба сегонаи ноқобилтарин кишварҳои ҷаҳон Сомалӣ, Конго, Судон ва ба сегонаи қобилтарин Норвегия, Шветсия ва Финландия ворид гардидаанд.

Таҳиягарони гузориш менависанд, бо вуҷуди коҳиши даргириҳои байнидавлатӣ тайи солҳои охир номуътадилии сиёсӣ майли густариш дорад ва дар бахше аз кишварҳо институтҳои ҳокимият аз асли худ дур рафтаанд. Ба иттилои муаллифони “Failed States Index-2013” айни ҳол ҳудуди ду миллиард нафар дар кишварҳои номуътадил, ки дар остонаи буҳрони иқтисодӣ ё сиёсӣ қарор доранд, зиндагӣ мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!