Русский  >>  فارسی  >>  Сешанбе 25 апрел 2017, 00:09

Ташкили гуруҳи махсус барои назорати ҳаракати мошинҳои гаронвазн

26 июн 2013, 16:57

Низом Ҳакимов, вазири нақлиёти Тоҷикистон, имрӯз, 26-уми июн дар ҷаласаи вазорат, беназоратии ҳаракати мошинҳои гаронвазнро муъҷиби вайронии роҳҳои кишвар хондааст.

Тавре аз вазорати нақлиёти Тоҷикистон хабар доданд, вазир ба мақомоти дахлдори кишвар дастур додааст, ки назорати ҳаракати мошинҳои гаронвазнро зери назорат гиранду истифодаи тарозуҳои мошинбаркашро ба роҳ монанд. Вазир супориш додааст, ки аз ҳисоби вазорату идораҳои дахлдор ба таври доимӣ Комиссияи муштараки корӣ ташкил гардад ва ҷиҳати бартараф намудани камбудиҳои ҷойдошта чораҳои қатъӣ дида, аз натиҷаи он ба таври фаврӣ маълумот пешниҳод намоянд.

Баробари ин вазири нақлиёт масъулини соҳаро муваззаф намудааст, ки барои зудтар расонидани техникаи иловагӣ ба иншооти роҳсозии Айнӣ-Панҷакент диққати ҷиддӣ диҳанд. Ахиран Эмомалӣ Раҳмон, раисиҷумҳури Тоҷикистон, зимни шиносоӣ бо рафти навсозии роҳи мошингарди Айнӣ-Панҷакент, ки ҳадафи асосии сафараш ба вилояти Суғд арзёбӣ мешавад, аз рафти корҳо норозӣ мондааст. Эмомалӣ Раҳмон аз суръати навсозии роҳи мошингарди Айнӣ-Панҷакент изҳори норозигӣ карда, супориш дод, ки барои ислоҳи ин ҳолат кор якбора дар зиёда аз 10 қитъаи роҳ ташкил карда шавад. Таъкид гардидааст, ки то охири соли равон бояд 40% корҳо анҷом дода шавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!