“САҲА-ро аз қазияи Муҳаммадюсуф Исмоилов огоҳ кардем”
Нуриддин Қаршибоев, раиси Анҷумани миллии расонаҳои мустақили Тоҷикистон ё НАНСМИТ, мегӯяд, Созмони Амният ва Ҳамкорӣ дар Аврупо ва Хабарнигорони бидуни марзро аз қазияи боздошти Муҳаммадюсуф Исмоилов огоҳ кардаанд.
Оқои Қаршибоев мегӯяд, ин кор дар ҳоле сурат гирифта, ки ба унвони онҳо аз номи наздикон ва ҳамкорони Исмоилов номаҳои зиёде мерасанд. “Ҳоло созмонҳои журналистӣ ин қазияро мӯшикофона таҳқиқ доранд”,-афзуд ӯ.
Аз ин пештар, додгоҳи ноҳияи Ашти вилояти Суғд дар бораи ҳабси Муҳаммадюсуф Исмоилов, хабарнигори тоҷик, ҳукм содир карда буд. Аммо вакили мудофеи ӯ гуфта буд, бо ин ҳукм розӣ нест ва қасд дорад, дар ин бора ба додгоҳи вилояти Суғд шикоят барад.
Ӯ афзудааст, Исмоилов танҳо сарпарасти хонавода аст, ки ду кӯдаки хурд, яке сесолаву дигаре семоҳа дорад. Ва ҳамчунин нигоҳубини хоҳари бузургаш, ки ҳафтоду чаҳор сол дошта, маъюб аст, низ ба дӯши ӯ мебошад.
Вазорати умури дохилии Тоҷикистон Муҳаммадюсуф Исмоилов, хабарнигори тоҷикро, ба гирифтани 100 доллар “пора” муттаҳам дониста буд. Ба қавли мақомоти ин вазорат, оқои Исмоилов ҳангоми гирифтани 400 сомонӣ аз Санавбар Аҳадова, сокини 39-солаи Ашт, дастгир шуда, ҳоло дар боздошт ба сар мебарад. Ба гуфтаи онҳо, нисбат ба Муҳаммадюсуф Исмоилов бар асоси моддаи 250-и Кодекси ҷиноӣ парванда боз шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |