Русский  >>  فارسی  >>  Душанбе 5 декабр 2016, 09:32

Суҳбати Раҳмон бо Назарбоев баъди ҳамовозияш бо Каримов

3 июл 2013, 14:47

Эмомалӣ Раҳмон, раисиҷумҳури Тоҷикистон, имрӯз, 3-юми июл бо президенти Қазоқистон Нурсултон Назарбоев суҳбати телефонӣ доштааст.

Тибқи иттилои дафтари матбуоти раисиҷумҳури Тоҷикистон, ҷонибҳо зимни суҳбат оиди вазъи кунунӣ, дурнамо ва рушди ҳамкориҳо дар самтҳои мушаххас мубодилаи афкор намуда, оид ба масоили байналмилаливу минтақавӣ ибрози назар намудаанд.

Ин нахустин тамоси Эмомалӣ Раҳмон бо Назарбоев баъди он аст, ки раисиҷумҳури Қазоқистон дар Тошканд гуфт, оид ба масоили обу энержӣ дар минтақа бо Узбакистон мавқеи яксон доранд.

Ахиран раҳбарони Узбакистон ва Қазоқистон дар нишасти муштараки иттилоотияшон дар Тошканд дар бораи тарҳи Роғун ва тақсими захоири оби минтақа сӯҳбат доштанд ва Ислом Каримов, раисиҷумҳури Узбакистон гуфтааст, “мо мавқеи якхелаамонро нисбати низоми боадолатонаи истифодаи об дар минтақа тасдиқ кардем. Ҳамаи мушкилоти обию энержӣ бояд дар асоси меъёрҳои байналмилалӣ ва бо назардошти манофеи тамоми кишварҳои минтақа ҳал гарданд.”

Каримов махсусан нерӯгоҳҳои барқи обии “Роғун”-и Тоҷикистону “Қамбарота”-и Қирғизистонро зикр карда, таъкид намудааст, ки “чунин иншооти бузурги обӣ дар болооби дарёҳо бояд, ҳатман аз ташхиси байналмилалӣ таҳти назари Созмони Милал гузаранд ва бо кишварҳои поёноб мувофиқа шаванд.” Ӯ бори дигар садди Роғунро бо баландии 335 метр ва Қамбаротаро бо 250 метр баландӣ, “гигантӣ” унвон карда, таъкид намудааст, бунёди онҳо дар мавқеи зилзилахези то 9-10 бал дар назар аст.

Нурсултон Назарбоев, раисиҷумҳури Қазоқистон дар навбати худ таъкид кардааст, ки дар бахши обу энержӣ вазъи мураккаб ҳукмфармост: “Муносибату мавқеъҳои мо бо Узбакистон дар бисёри масъалаҳо, аз ҷумла масоили обӣ яксон аст. Мо ба ҳамсояҳоямон паёми дустӣ мефиристем, ки ин мушкилотро бояд дар ҳамдастӣ тавассути муколама ҳал кунем, на мухолифат.”Дар баробари ин, Назарбоев изҳор доштааст, ки кишварҳои ҳамсоя талош доранд тавассути бунёди нерӯгоҳҳо мушкили иқтисодияшонро ҳал кунанд: “Мушкилотро ҳамаи кишварҳо доранд, аммо онҳо набояд аз ҳисоби дигар давлатҳо ҳал гарданд.”

Раисиҷумҳури Қазоқистон кишварҳоеро мисол овардааст, ки дар истифодаи обҳои фаромарзӣ муваффақ шудаанд ва дар шароити Осиёи Миёна низ гуфтушуниду манофеи тарафайн бояд кор бурда шаванд. Назарбоев дар муроҷиат ба кишварҳои болооб гуфтааст, “ташхис гузаронед ва моро мутақоид созед. Ин ҷо гап сари Каримову Назарбоев нест. Мо бояд мардумро бовар кунонем, ки онҳо зери об намемонанд, ё деҳқон беоб намемонад. Дар ин ҳол мо омодаем, ба истиқболи Шумо бароем.”



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!