Русский  >>  فارسی  >>  Ҷумъа 9 декабр 2016, 12:39

“Тоҷикстандарт” маҳсулоти тоҷиронро ба сагҳо додааст

3 июл 2013, 16:01

“Тоҷикстандарт” дар вилояти Хатлон тайи шаш моҳи соли равон 158 тоҷирро бинобар фурӯши маҳсулоти муҳлаташ гузашта ҷарима карда, қисме аз маҳсулоташонро мусодира ва ба сагҳои Вазорати умури дохилӣ додааст.

Масъулини ин ниҳод мегӯянд, тоҷироне, ки ба фурӯши маҳсулоти муҳлаташон гузашта машғул будаанд, ба маблағи 46 ҳазору 236 сомонӣ ҷаримабандӣ шудаанд.

Кормандони “Тоҷикстандарт” дар Хатлон бо зикри узвияти Тоҷикистон дар Созмони Умимиҷаҳонии Савдо мегӯянд, “мо маҷбурем, аз ин пас тибқи стандарти ҷаҳонӣ кор кунем. Бо ин мақсад ҳоло мутахассисони мо бо ширкатҳо ҳам кор карда истодаанд, то маҳсулоти босифати рақобатпазир тавлид кунанд.”



Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Стандарт, ин меъёр аст. Магар дар Тоҷикистон як стандарти тасдиқшудаи давлатӣ ҳаст? Аввалан, ман номашро дар назар дорам. Масалан, дар Шӯравии пешина стандарт номи ГОСТ( Государственний стандарт) дошт, ки чун аз худашон аст, ҳоло ин номро Руссия гирфтааст. Боз стандартҳои машҳури дунёро ҳастанд, ки яке DIN (Deutsche Industrie-Norm) мутааллиқ ба Олмон аст. ISO - меъёри байналмилалӣ. Амрикоиҳо аз худашонро AM - American Standard (агар хато накунам) мегӯянд.

Пас стандарти Тоҷикистон чи ном дорад?

Дуввум инки, оё дар ватани мо ягон стандарт риоя мешавад? Аз он молу амволе ки ҳамарӯза мо дар бозору мағозаҳо харидорӣ мекунем, мебинем, ки ҷавоби ин савол манфӣ аст. Масалан: нонфурушон бо ихтиёри худ вазни нонро (ба қавли худашон: "весашро") кам мекунанд. Хлебҳо умуан дилла надоранд ва будагияш ҳам часпак аст. Ба наздикӣ ман даҳонакии (кришка) пластмассии банка харидам. Бовар кунед, он пардаи пиёз барин тунук шудааст. 50 дирам як дона. Чун дигараш набуд, маҷбур харидам. Манқалҳои барқӣ (электроплита) ҳам минҷумла. Ҳамаи онҳо аз оҳани баландсифат неву аз тунука ва симҳои беҷон сохта шудаанд. Хулосаи калом инки, ҳамаи он ҳазорҳо намуд амволе, ки вориди бозорҳои Тоҷикистон меоянд паст ё бесифатанд. Аз шунидани банда, худи савдогарон ба Хитой рафта, ана ҳамин хел маводро фармоиш медодаанд. Муҳимаш, арзон бошад. Масалан, либоси NIKE ё ADIDAS ба қиймати 10 доллар фармоиш (заказ) шуда, инҷо 50,70 доллари савдо мезананд. Попӯшҳо низ ҳамин аҳвол. Вақте он мол аз даст ба даст савдо мешавад, нархаш дучанд ё се баробар афзойиш меёбад. Ҳоло мавсими пухту пази тарбузу харбуза аст. Ба бозорҳо онҳоро нимпухт оварда, бо нархи осмонӣ савдо мезананд. Тарбуз дар бозор сурх мешавад, вай ҳамин хел хусусият дорад. Мисли помидор. Харбуза ё ҳандала харида, таваҷҷӯҳ кардаед, ки он пажмурда аст? зеро аз замин норасида, хом канда шудааст, танҳо барои онки, зудтар ва қиматтар ба фурӯш равад. Илова бар он, аксари маҳсулоти боғдорӣ ва обчакорӣ дар бозорҳо зери офтоби 60 дараҷавии тобистон бе рӯпӯш ба савдо гузошта шудааст, ки ин худ барои саломатии инсон басо хатарнок аст. Чизи офтобзадаро ниёконамон намехӯрданд, онро мепартофтанд. Мо мехӯрем. Мо ҳама чизро мехӯрем, зеро чора надорем!

Ин ҳамаро қӣ назорат мекунад? Тоҷикстандарт неву Ҳоҷӣ Аҳрори Валӣ? Кӣ ба саволҳои банда ҷавоб менависад? Сипосгузор хоҳам шуд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!