Русский  >>  فارسی  >>  Панҷшанбе 8 декабр 2016, 05:06

Президент гуфт, тамоми имомхатибон бо униформ ва маош таъмин шаванд

4 июл 2013, 11:47

Эмомалӣ Раҳмон, раисиҷумҳури Тоҷикистон, ба масъулони Кумитаи дин дастур дода, ки то охири соли ҷорӣ тамоми имомхатибони масоҷиди кишварро бо либоси ягона ё униформ ва маош таъмин кунанд.

Оқои Раҳмон ин ҳарфҳоро дар мулоқоташ бо имомхатибон ва аҳли ҷамоатчигии кишвар, ки субҳи чоруми июл дар "Кохи Ваҳдат"-и Душанбе баргузор гардид, баён дошт. Аммо ӯ дақиқ нагуфт, ки оё маблағи либоси ягонаи имомхатибонро худи рӯҳониён пардохт хоҳанд кард ва ё Кумитаи дин, як ниҳоди расмии нозир бар фаъолиятҳои муассисаҳои динӣ дар Тоҷикистон.

Дастури президент Раҳмон дар бораи униформи имомхатибони масоҷиди Тоҷикистон дар ҳолест, ки рӯзи чоруми июл низ гуруҳе аз рӯҳониён бо либоси ягона ба мулоқоти ӯ рафта буданд. Ин либоси ягонаро бо дархости Кумитаи дин ширкати “Ёқут 2000” омода кард, ки то ҳол маълум нест, имомхатибон онҳоро бо пули худ харидаанд ва ё ин ки ба ҳадя гирифтаанд.

Ҳоло дар Тоҷикистон ҳудуди чаҳор ҳазор масҷиди ҷомеи марказӣ, ҷомеъ ва панҷвақта сабтином шудаанд, ки имомхатибони онҳо бо мувофиқаи Кумитаи дин ва Шӯрои уламои Тоҷикистон таъин мешаванд. Ҳамчунин, як сол инҷониб мавъизаи имомхатибон дар намози ҷумъа пешакӣ бо мақомот ҳамоҳанг ва сипас ироа мегардад.

Кумитаи дини Тоҷикистон мегӯяд, мулоқоти рӯзи чоруми июли Эмомалӣ Раҳмон бо рӯҳониён анъанавӣ буда, ба интихоботи моҳи ноябри соли ҷорӣ рабт надорад. Аммо ба ин мулоқот рӯҳониёни саршинос, аз ҷумла хонаводаи Тӯраҷонзодаҳо ва аъзои Маҷмаи уламои Ҳизби наҳзати исломии Тоҷикистон даъват нашудаанд. Ин мулоқот дар ҳоле баргузор гардид, ки шоми чаҳоршанбе, севуми июл, Шабакаи аввали телевизони Тоҷикистон навори зиёрати президент Раҳмон аз Маккаву Мадинаро ба намоиш гузошт. Ҳамчунин наворҳое аз лаҳзаи бузургдошти соли Имоми Аъзам, пешвои мазҳаби ҳанафӣ, пешкаши тамошобинон гардид.

Ин мулоқоти дувуми Эмомалӣ Раҳмон бо рӯҳониёни тоҷик мебошад. Вай бори нахуст соли 2009 бо гуруҳи рӯҳониёну донишмандон бахшида ба бузургдошти 1310-солагии Имоми Аъзам дар “Кохи Ваҳдат”-и Душанбе дидору мулоқот анҷом дода буд.

Ҳарчанд Тоҷикистон бар асоси Қонуни асосияш кишвари демократист, аммо бештар аз навад дарсади сокинонаш пайрави дини мубини Исломанд. Бештари рӯҳониён аз маҳдудиятҳои динӣ дар чанд соли охир дар Тоҷикистон шикоят мекунанд, аммо мақомот мегӯянд, ҳадафи онҳо на эҷоди маҳдудият ва монеасозист, балки ҷилавгирӣ азифротгароист.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мавлави фармудааст: Мулло шудиву шайх шуди донишманд, Билчумла шуди вале мусалмон нашуди. Мавлави мега мулло шуди шайх шуди рохбари дасгоху хукмат шуди савдогару хочи шуди хама хамаша шуди аммо афсус мусалмон нашуди...
Посух додан
  • Имомхатиб

  • 4 июл 2013 09:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои чи дар вакти баромади Сайидюнуси Истаравшани дар шабакаи телевизионии К+, мавч гум мешавад ва баъди баромадаш, тез кушода мешавад?
Посух додан
  • yahya

  • 4 июл 2013 12:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
na harkas ki musalmon shud tavon guftash ki salmon shud ... az avval boyad salmon shudu vongah musalmon shud.
Посух додан
  • Шикорчи

  • 5 июл 2013 15:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз кадом замон муллои касб шудааст? Магар дин аз давлат чудо нест?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хар агар Макка равад боз ояд хаму хар.....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!