Русский  >>  فارسی  >>  Чоршанбе 7 декабр 2016, 23:13

Ҳаводиси Миср аз нигоҳи Ҳ.А. Тӯраҷонзода ва Р.Ғ. Абдулло

4 июл 2013, 15:41

Дар пасманзари ҳаводиси ахири Миср, ки низомиён, раисиҷумҳур Муҳаммад Мурсиро барканор карданд, таҳлилгарони тоҷик дар суҳбат ба “Озодагон” вазъ дар ин кишварро шарҳ доданд.

Рашид Ғанӣ Абдулло, сиёсатшиноси тоҷик мегӯяд, ки Муҳаммад Мурсӣ бо сари қудрат омадан худ ба чанд хатоӣ роҳ дод ва ин боис гардид, то дигар мардум атрофи ӯ ҷамъ нашавад. Ба андешаи ин коршиноси тоҷик Муҳаммад Мурсӣ, ки дар гузашта таҷрибаи давлатдорӣ надошт, дар иҷрои салоҳияти раисҷумҳурӣ сару калобаи худро гум кард.

Ҳоҷӣ Акбар Тӯраҷонзода
, коршинос ва рӯҳонии тоҷик мегӯяд, ки дар воқеаҳои имрӯзи Миср бештар нерӯҳои ҳориҷӣ даст доранд. Ба гуфтаи номбурда давлатҳои Халиҷи Форс тарафдори ҳокимияти нерӯи сиёсии исломӣ дар минтақа набуданд: “Бештар давлатҳои Аморат зиди қудрат омадани ихвониҳо буданд. Ин буд, ки дар дохили кишвари худ онҳо бештар аз сад нафар аъзо ва тарафдонри Ихвон ал муслимро бо ҳар баҳона зиндонӣ карданд. Тахминҳое ҳам меравад, ки маҳз давлатҳои Аморат сармоягузори асосии ҳаракатҳои Салафия дар Миср ҳастанд”.

Ҳоҷӣ Акбар Тӯраҷонзода мегӯяд, ки илова бар ин сабаби дигари сарнагун кардани ҳукумати Муҳаммад Мурсӣ ҳам дар он аст, ки борҳо дар робита ба мавқеъи Исроил садо баланд кард: “Бо ин рафтори ӯ давлатҳои Арупову Ғарб, ба хусус Амрико чандон розӣ набуданд. Барои Амрикоиҳо ва Ғарбу Аврупо беҳтар аст, ки Миср бо ҳамон даргириҳои худ машғул буда, ба сиёсати минтақаӣ кордор набошад. Муборизаҳои густарда алайҳи ҳокимияти Мурсӣ аз рузҳои аввал шурӯъ шуда буд. Бари давлатҳои Ғарб беҳтар аст, ки вазъи Миср ҳам ба монанди Сурия ноором буда, ин кишварҳо ба сиёсати худ машғул бошанд. Ноором кардани Мисру Сурия беҳтарин тӯҳфаи Ғарб барои Исроил хоҳад буд”.

Ҳоҷӣ Акбар Тӯраҷонзода мегӯяд, ки аз рӯзи аввали президентии Муҳаммад Мурсӣ давлатҳои Ғарб бо ҳар роҳу баҳона барои пиёда кардани сиёсати худ, ҳамарӯза то 700 соат барномаҳои телевизионӣ тавассути маҳвора бар зидди ҳукумати Миср пахш мегардид.

Ҳоҷӣ Акбар Тӯраҷонзода мегӯяд, ки имрӯзҳо низ ҳодисаҳои Миср якҷониба инъикос мешаванд: “Зеро тамоми расонаҳо аз тазоҳуроти 16 милион мардум алайҳи қудрати Муҳаммад Мурсӣ гузориш медиҳанд. Дар ҳоле, ки ҳамарӯза ҳудуди 12 милион тарафдори Муҳаммад Мурсӣ низ ба хиёбон мебароянд, аммо аз ин гурӯҳ ҳеч хабаре пахш намешавад.”

Муҳамиад Мурсӣ, ки имрӯз, 4-уми июл, аз тарафи нерӯҳои низомии кишвараш барканор ва боздошт шуда буд, ба шабакаи телевизионии Ал-Ҷазира гуфтааст, қарорҳои артиши кишвар барои барканор шудани ӯ аз мақоми раисҷумҳури Миср набояд қабул шавад.

Муҳаммад Мурсӣ, раисҷумҳури барканоршудаи Миср дар ин навор аз мардуми кишвараш даъват кардааст, то барои рехтани хуни шаҳрвандон саҳмгузор набошанд. Ҷаноби Мурсӣ мегӯяд, ки воқеъаҳои чанд рӯзи охир бештар ба инқилоби низомӣ монандӣ дошта, мардуми Миср набояд аз ин инқилоб пуштибонӣ кунанд, чун он давлатро аз рушд бозмедорад.

Бино бар иттилои расонаҳои хабарӣ Муҳаммад Мурсӣ ҳеч мушкилеро барои нишастан сари мизи гуфтушунид бо мунтақидони ҳокимияти худ надида, ҳамчунин тарафдори баргузории ҳарчи зудтари интихоботи парлумонӣ низ мебошад.

Маврид ба зикр аст, ки Муҳаммад Мурсӣ баъди як соли ҳукмронӣ барканор шуд. Артиши Миср Муҳаммад Мурсиро, ки баъд аз ҳукумати 32-солаи Ҳуснӣ Муборак ба курсии раёсати ҷумҳури ин кишвар нишаста буд, аз мақомаш барканор кард. Фармондеҳи кулли нерӯҳои мусаллаҳи Миср шомгоҳи чаҳоршанбе, 3-юми июн, бо қироати баёнияе тасмими артишро ба иттилои мардум расонд. Дар ҳоли ҳозир раиси Додгоҳи олии Қонуни асосӣ ба сурати муваққат ва то баргузории интихоботи зудҳангом идораи умури кишварро бар уҳда дорад.


Шарҳи худро бинависед:

Ном:*
E-Mail:
Матни шарҳ:
Посух додан
  • али

  • 4 июл 2013 16:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
худованд ихвонихоро пируз бахшад ва хамаи мардуми Мисрро бошад аз шарри гарбихо нигох дорад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Mulloi buzurgi Misr al Tayeb chi tafakkur dorand?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Charo javobi Dr. Rashid Ghani Abdulloh kutoh ast ?
Charo hama ghamu nooromiye zindagiye beshtari mamoliki muslimon az boisi neruhoi khoriji ast? Mepursam: dar tuye jomeai khudashon sakhti va mushkili, beadolati nest?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
МУСАЛМОН ФОКА МАСТУ ЧАНДА ПУШ АСТ,
ЗИ КОРАШ ЧАБРАИЛ АНДАР ХУРУШ АСТ.
БИЁ ТАРХИ ДИГАР МИЛЛАТ БИРЕЗЕМ,
КИ ИН МИЛЛАТ ЧАХОНРО БОРИ ДУШ АСТ.
Рухаш шоду гураш пур нур бод хазрати Мухаммад Икболро, ки гумрохии баъзе аз бародарони мусулмонро аёнан медиду номуси мусулмони азобаш медод, ки ба кадом дарача халки мусалмон бо якдигар душману душман параст шудааст.
Ва садхо дарег ки лафзи поки АЛЛОХУ АКБАР-ро бар забон такрори ба такрор мехонанду бар зидди гурухи бародарони мусалмонаш душмани ва тирандози мекунанд. Халки гузашта хуни дил хурданд ислом чори карданд ободу зебо гардониданд ватанашонро ва ин бадбахтоне, ки дар Ливия дар Сурия ва акнун дар Миср гуё ин, ки мехоханд дини поки Исломро чори кунанд бародарону хохарони мусулони худро ба катл мерасонанд ва ватани зебои худро вайрон мекунанд, ки он бадбахтон дар ватанашон хатто як дарахт хам нашинондаанд. Бинед дар хафтод фоизи (70 %) давлатхои исломи чангу хунрези ва митинг рафта истодааст ва дар давлатхои насрони ободию пешрафт ва бар холи мо мусулмонон механданд ва масхара мекунанд. Арабистони сауди гуломи халка бар гуши Амрико барои чанг дозии давлатхои исломи хама сола чандсад мтллионхо долар чудо мекунад чи чои суханаст дигар...........

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!