Русский  >>  فارسی  >>  Якшанбе 11 декабр 2016, 11:02

Вокуниш ба пешниҳод дар бораи ҳазфи вожаи “Ислом” аз номи ҲНИТ

4 июл 2013, 16:38

Ҳизби наҳзати исломии Тоҷикистон (ҲНИТ) пешниҳоди бархе аз рӯҳониёнро дар мавриди ин ки вожаи “ислом” аз номи ин ҳизб ҳазф шавад, фармоишӣ хонданд.

Маҳмадалӣ Ҳайит, муовини раҳбари ҲНИТ, дар сӯҳбат ба “Озодагон” гуфт, матраҳ шудани ин масъала дар остонаи интихоботи президентӣ танҳо як фазосозӣ буда, Эмомалӣ Раҳмон ҳамчун кафили риояи Қонуни асосӣ набояд ваъдаи мавриди баррасӣ қарор додани ин масъаларо мекард.

“Ҷаноби Раҳмон бори дигар моддаи 28-и Сарқонунро аз назар гузаронанд, ки ин модда дар асоси мубориза ва оштии дуҷониба ба миён омадааст”,-гуфт ӯ. Муовини раҳбари ҲНИТ афзуд, масъалаи мазкурро Шӯрои сиёсии ҳизбаш ба баррасӣ хоҳад гирифт.

Маҳмадалӣ Ҳайит илова кард, “ин пешниҳод ба фаъолияти мо созгор нест, чун ҲНИТ ҳеч рабте ба иттиҳодияи динӣ ва ё Кумитаи дин надорад. Илова бар ин, рӯҳониён салоҳияти дахолат кардан барои номгузории ҳизбҳои сиёсиро надоранд. Пӯшида нест, ки рӯҳониён дар хидмати ҳукумат буда, мо маълумоте низ рӯи даст дорем, ки дар манотиқи кишвар онҳо чи корҳоро бар зидди ҲНИТ анҷом медиҳанд.”

Ҷаноби Ҳайит мегӯяд, давоми 40 сол аст, ки ҲНИТ дар Тоҷикистон фаъолият дошта, аз ин ба баъд низ ба кори худ идома хоҳад дод. Маҳмадалӣ Ҳайит илова намуд, бо садо додани ин масъала фишор болои аъзои ҳизби онҳо боз ҳам бештар хоҳад шуд. Маврид ба зикр аст, ки субҳи чоруми июл Эмомалӣ Раҳмон, раисиҷумҳури Тоҷикистон 1200 имомхатиб ва аҳли ҷамоатчигии кишвар мулоқот анҷом дода, вазъи дину диндорӣ ва созмонҳову масоҷидро ба баррасӣ гирифт.

Дар мулоқоти мазкур 15 рӯҳонӣ баромад дошта, гурӯҳе аз онҳо ба раисҷумҳур пешниҳод доштаанд, ки калимаи “ислом” аз номи Ҳизби наҳзати исломии Тоҷикистон бардошта шавад. Ба иттилои “Азия-Плюс”, Эмомалӣ Раҳмон се баромади рӯҳониёнро гӯш карда, дар ҷавоб ба саввумаш гуфтааст, ки ин масъаларо мутахассисон мавриди баррасӣ қарор хоҳанд дод.


Шарҳи худро бинависед:

Ном:*
E-Mail:
Матни шарҳ:
Посух додан
  • Ашраф

  • 4 июл 2013 16:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ана ин падидаро сад фоиз " тафриқа андозу ҳукумат рон " мегуянд. Ҳайфи миллат, ҳайфи номи имом хатиб ва рӯҳонӣ. Даъвои чомеаи демократӣ мекунед ку? Сад фоиз фармоишӣ ва пеш аз ҷаласа муллоҳоро мағзшуи ва домонашонро бо чаҳормағзҳои пуч пур карданд. Ман ҳеч гоҳ ҲНИТ пуштибон нестам, лекин аз руи талаботи қонун ва талаботи чомеаи демокрасӣ эҳсос мекунам, ки чунин муносибати ғаразнок оқибати хуб надорад ва нишонаи бесаводии сиёсӣ мебошад.
Посух додан
  • Далер

  • 4 июл 2013 21:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бехтарин пешниход аст! Бигузор дини мубини ислом "бозича"-и сиёсии баъзехо нагардад. Ман худ шохидам, ки як аъзои ин хизб ба ман таъна зада буд, ки "намозхониат бефоидаанд, зеро ту мукобили хизби ислом овоз додй". Ин суханхо то хол аз ёдам набаромадааст ва он нафар то хол худро аъзои фаъоли ин хизб шуморида хамсояхоро талкин мекунад, ки агар мусулмон бошед мукобили ХНИТ набароед. Магар ин дуруст аст? Бигузор номи мукаддаси Исломро гиранд ва онхо мардонавор катори дигар азхоб муборизаи сиёсй баранд!!!!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом. Инки "мулло"-хо ин масъаларо матрах кардаанд, супориши буданаш маълум аст!!! Вале ба назари ман чизе ки дар сарконун сабт шудааст намешавад иваз кард!! Вале мутаасифона ин чо Точикистон аст, яъне хама кор мешавад.
Посух додан
  • Said

  • 5 июл 2013 15:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бале!!! бародарони азиз шахсан узви ҳизби наҳзати исломи набудему нестам лекин ҳамчун мусалмон омодаам ҷонамро фидои Ислом кунам.мутаасифона на фақат баъзе емомхатибон балки муфтии мо худ хизматгори ин ҳукумати зидди дини Ислом мебошанд ва дар лаб муҳри сукут мезанад вақте,ки мубориза бар зидди Дини Ислом мебаранд,дунё ин дори имтиҳон аст ва ҳар кас зуд аст,ки подоши амалҳояшро мебинад чи хайр бошаду чи шар.(фа ман яъмал мисқола заратин хайран яраҳ,ва ман яъмал мисқола заратин шарран яраҳ) садақаллоҳ.
Посух додан
  • Фаррух

  • 5 июл 2013 16:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Фигон зи аблахии ин харони бе думу гуш,
Ки чумла шайхтарош омаданду шайхфуруш.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!