Русский  >>  فارسی  >>  Шанбе 22 июл 2017, 17:42

Эмомалӣ Раҳмон дар Хатлон тарабхона кушод

5 июл 2013, 09:35

Эмомалӣ Раҳмон, раисиҷумҳури Тоҷикистон, имрӯз, 5-уми июл барои шиносоӣ бо вазъи зиндагии аҳолӣ ва бартарафсозии камбудиҳо озими вилояти Хатлон гардидааст.

Тибқи иттилои дафтари матбуоти раисиҷумҳур, Эмомалӣ Раҳмон дар шаҳру ноҳияҳои минтақаи Қурғонтеппа як қатор иншооти иҷтимоию иқтисодӣ ва фарҳангиро мавриди баҳрабардорӣ қарор медиҳад ва ба бунёди як зумра иншооти дигар оғоз мебахшад.

Ин манбаъ мегӯяд, боздиди навбатии кории Эмомалӣ Раҳмон дар Хатлон бо иштирок дар хатнасури дастаҷамъонаи 150 кӯдаки ятиму бепарастор ва аз оилаҳои ниёзманд ва ҳамчунин тӯйи арусии 10 ҷуфти навҷавонони камбизоат оғоз ёфт. Ба иттилои дафтари матбуоти раисиҷумҳур ин чорабинии дастаҷамъонаи хайрия дар тарабхонаи хусусии Бандари куҳани шаҳри Қурғонтеппа баргузор гардид, ки худи ҳамин рӯз ифтитоҳ ёфтааст.

Тавре зикр гардид, ин бинои зебои замонавӣ, ки иборат аз таҳхона ва 2 ошёна мебошад, бо харҷи беш аз 4 миллион сомонӣ аз ҷониби соҳибкори маҳаллӣ Ҷамол Нуриддинов бунёд ёфтааст. Дар таҳхонаи он толору утоқҳои варзишии машқи бадан ва фитнес, дар ошёнаи якум тарабхона ва дар ошёнаи дуюмаш маркази дилхушии кӯдакон ҷойгир шудааст.

Аз ҷониби президенти Тоҷикистон ба тарҳи бино ва сифати корҳои сохтмону васлгарӣ ва ороишӣ баҳои баланд дода шуд, зеро он дар воқеъ бо усули хеле зебо ва ғайриоддӣ тарроҳию бунёд ёфтааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!