06 июл 2013 12:34Тоҷикистон / Мусоҳибаҳо
Се назар: Духтарони тоҷик ҳамсари ғайримусалмон дошта бошанд ё на?
Мо занони тоҷик, ки ҳамзамон мусалмон ҳастем, ҳуқуқи издивоҷ кардан бо шаҳрвандони хориҷӣ ва ё аниқтараш намояндагони адёни дигарро надорем. Издивоҷи духтарони тоҷик бо хориҷӣ, ба хусус бо хитоиҳо маро ҳамчун модар ба ташвиш овардааст. Дақиқан имрӯз мо мебинем, ки духтарони тоҷик дар пайи боигарӣ ва сармоя бо шаҳрвандони хориҷӣ издивоҷ мекунанд, ки ин қобили қабул нест. Ҳарчанд сарқонун озодии комилро ҳангоми интихоби ҳамсар ба шаҳрвандон додааст, вале ман ҳамчун вакили парлумон ваъда медиҳам, ки барои монеа гузоштан ба ин раванд чораҳои қатъӣ хоҳам андешид.
Лола Олимова, коршинос
Хонум Саодат Амиршоева қабл аз ибрози назар бояд биандешад, ки суханони ӯ на ҳамчун як зани оддӣ ва ё модар, балки ҳамчун вакили мардумӣ, ҳамчун мавқеъи парлумон мавриди баҳс қарор мегирад. Ман комилан зидди он ҳастам, ки интихоби духтаронро барои издивоҷ дар Тоҷикистон маҳдуд кунанд. Набояд фаромӯш кард, ки интихоби ҳамсар ва издивоҷ ин кори шахсии ҳар як инсон буда, мансабдоре ҳуқуқи дахолат кардан ба онро надорад. Ҳама инсон асту аз ҷониби Худо халқ шудааст ва касе ҳақ надорад, монеи хушбахтии дигарон гардад. Ҷаҳон хеле бузург буда, ҳамзамон маҳдуд шудааст, духтарони тоҷик низ дар баробари духтарони миллатҳои дигар ҳуқуқи издивоҷ бо шаҳрвандони хориҷиро доранд. Гузашта аз ин аксари мардҳои тоҷик дар муҳоҷират қарор доранд. 5 сол қабл сару садо атрофи он буд, ки аз сабаби муҳоҷирати мардҳо ҳудуди 300 ҳазор зани тоҷик бешавҳар мондаанд. Барои ман хеле ҷолиб аст, ки чаро вақте мардҳои тоҷик ба муҳоҷират мераванд, ҳамсари рус мегиранд, аммо барои духтарони тоҷик хонадор шудан бо шаҳрвандони хориҷӣ бояд маҳдуд бошад. Ман занони тоҷикеро медонам, ки бо намояндагони миллати дигар издивоҷ кардаву зиндагии хуш доранд. Агар мардҳои мо эҳтиром кардани занони тоҷикро аз худ бикунанд, ман сад дарсад кафолат медиҳам, ки духтарони тоҷик ба ҳеч ваҷҳ хориҷиҳоро ба унвони шавҳар интихоб нахоҳанд кард. Дар ҷомеаи тоҷик кам андар кам оилаҳоеро пайдо кардан мумкин аст, ки дар он зан ҳамчун инсон эҳтиром дошта бошад.
Темур Варқӣ, адиб
Ба ҷойи машғул шудан бо ин корҳои музахраф, беҳтар мебуд агар вакилон қонунеро қабул мекарданд, ки мардҳои тоҷик кори муносибе пайдо кунанд, то имкони таъмини оиларо дошта бошанд. Ин гуна мансабдорон танҳо ба популизм ва худнамоӣ, машғул буда, тавре вонамуд мекунанд, ки гуиё ғамхори миллат ҳастанд. Ба ҷойи қабул қонунҳои нодаркор вакилон тамоми имтиёзҳои ширкати IRS-ро бардоранд, то маҳсулоти кишоварзии Хуҷанд дар бозорҳои Душанбеву ҷануб арзонтар аз маҳсулоти чиноӣ бошад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
