Русский  >>  فارسی  >>  Панҷшанбе 8 декабр 2016, 10:52

Дастаи “Истаравшан” тими “AV Football Academy”-и Нигерияро шикаст дод

8 июл 2013, 10:09

Тими “Истаравшан”-и Тоҷикистон дар сабқат бо футболбозони клуби касбии AV Football Academy-и Нигерия, ки дар чорчӯби сафарҳои ҷаҳонии худ вориди Тоҷикистон шудаанд, бозии дӯстона анҷом дод.

Ин бозии рӯзи шанбе, 6-уми июл дар Варзишгоҳи марказии шаҳри Истаравшан баргузор гардида, бо ҳисоби 3:2 ба нафъи бозигарони дастаи “Истаравшан” анҷом ёфт.

Голҳои ғолибонро се бозигари нави даста - Фарҳод Тоҳиров, Илҳом Баротов ва Бурҳон Шодиёров ба ҳадаф расониданд. Бошгоҳи футболи “Истаравшан”, ки бо раҳбарии Зокир Бердиқулов, сармураббии нави даста, ба давраи дувуми мусобиқоти қаҳрамонии кишвар омодагӣ мебинад, ба ҳайати даста се бозигари тими “Парвоз”-и Бобоҷон Ғафуров - нимҳимоятгарон Сӯҳроб Эгамбердиев, Нодирбек Маъмиров ва ҳамлагар Фарҳод Тоҳиров инчунин нимҳимоятгари клуби “Ӯротеппа” Илҳом Баротовро ҳамроҳ кардааст.

Ҳамчунин се легионер аз Узбакистон - ҳимоятгар Азамат Комилҷонов, нимҳимоятгар Бурҳон Шодиёров ва ҳамлагар Ҷавлон Рустамовро даъват кардаанд.

Тими “AV Football Academy”-и Нигерия рӯзи 29-уми июн дар нахустин бозии дӯстонаи худ аз тими “Энергетик”-и Душанбе бо ҳисоби 5:4 шикаст хӯрда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!