Русский  >>  فارسی  >>  Ҷумъа 9 декабр 2016, 05:01

Камол Қулчудр: Урдуғон аз оқибати Мурсӣ ибрат бигирад

8 июл 2013, 10:40

Раҳбари ҳизби ҷумҳурии халқи Туркия, корномаи Урдуғонро ба амалкарди Мурсӣ ташбеҳ дода, гуфтааст, ки «наметавон бо саркуби иродаи мухолифин иқтидорро ҳифз кард.»

Ба гузориши хабаргузории Форс ба нақл аз Курдпресс, Камол Қулчудр- Уғлӯ, раҳбари ҳизби ҷумҳурии халқ, рӯзи шанбе дар бораи руйдодҳои Миср изҳори назар кард. Вай эълон кард, ки таҷаммуъи миллионҳо нафар аз мухолифини Муҳаммад Мурсӣ дар майдони Таҳрири Қоҳира ҷилваи бошукуҳе аз талош барои эҷоди тағйироти демократӣ ва анҷоми кудито дақиқан ба маънои нодида гирифтани иродаи мухолифини Мурсӣ ва соири шаҳрвандони мисрӣ буд.

Вай дар идома зимни ташбеҳи Раҷаб Тайиб Урдуғон, нахуствазири Туркия ба амалкарди Мурсӣ гуфт: «Урдуғон бояд аз оқибати Мурсӣ дарс бигирад ва қабул кунад, ки наметавон бо саркуби иродаи мухолифин иқтидорро ҳифз кард. Мурсӣ низ аз ҳимоят ва орои болои мардуми Миср бархурдор буд, аммо дақиқан монанди Фиръавн ва Урдуғон бо мушкилоти кишвараш рубару шуд ва ба хотири касби оро тасмим ба нодида гирифтани муолифони худ гирифт ва дидем, ки танҳо як сол тавонист давом биёварад.»

Қулчудор Уғлу дар идома афзуд, «аз Урдуғон мехоҳем даст аз тақлиди Фиръавн бардорад ва бовар кунад, ки таҷассуми демократӣ дар шумориши орои сандуқҳои интихобот нест ва як мақоми сиёсӣ дар баробари ҳамаи шаҳрвандони кишвараш масъул аст ва наметавонад фақат нахуствазир ё раиси ҷумҳури касоне бошад, ки ба у раъй додаанд. Ҳар ҳукумате, ки монанди давлати Мурсӣ аз дин истифодаи абзорӣ ба амал биёварад, ба чунин сарнавиште маҳкум аст ва Урдуғон низ бояд то дер нашуда, асли лойизмро ба унвони аслитарин мабнои ҷумҳурии Туркия мавриди таваҷҷуҳ қарор диҳад. Аз ин гузашта фаромуш накунем, ки Миср яке аз муҳимтарин ва таъсиргузортарин кишварҳои Ховари Миёна аст ва бидуни шакк шикофҳои эҷодшуда дар ин кишвар дар ояндаи наздик бар руи ҳамаи минтақа ва бавижа дар Туркия низ таъсир хоҳад гузошт.»


Шарҳи худро бинависед:

Ном:*
E-Mail:
Матни шарҳ:
Посух додан
  • Rustam

  • 8 июл 2013 11:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мутаасифона мардуми мусалмон ва шарк аз вокеият дур рафта истодаанд ва бозичаи дасти дигарон. Хуб худ казоват кунед, агар Туркия мисли Миср шавад, баъдан чи? Ин хунрезихо ба ки даркор? Роххои демократи хастанд аз он истифода кунед, агар мардум овоз надод Эрдугон дигар дар мансаб намемонад...Чаро Амрикову Аврупо ба ин гуна хушунат даст намезананд ва мо бояд хамеша мунокиша кунем. Оё Мурсиро худи ошубгарон ба кудрат наоварданд? Оё хамон дасисабозон набуданд, ки кишвари ободу оромро ба хун дароварданд? Бародарон сулх ва амният бехтарин неъмат аст!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!