Русский  >>  فارسی  >>  Ҷумъа 9 декабр 2016, 20:24

35%-и устодони калони ДМИТ аз санҷиш нагузаштаанд

10 июл 2013, 11:51

Дар шаш моҳи сипаришуда аз 247 нафар устодони калони беунвони Донишкадаи молия ва иқтисоди Тоҷикистон 35 дарсадашон аз санҷиш нагузаштанд.

Тавре ректори Донишкадаи мазкур, Раҳматулло Мирбобоев иттилоъ дод, барои ҳавасманд гардонидани устодон ба корҳои илмию тадқиқотӣ, санҷиши устодони калони беунвонро ба роҳ мондаанд: “Ин санҷиш ба мо имкон дод, ки дар кадом сатҳ қарор доштани аксарияти устодони калони беунвонро муайян кунем. 35 фоизи ин устодон аз санҷиш нагузаштанд, мо барои онҳо вақт додем, ки омодагӣ бинанд, аз болои таҳқиқоти илмии худ кор кунанд. Муҳлати гузоштаи мо моҳи октябри соли ҷорӣ ба охир мерасад.”

Ректор таъкид намуд, ки агар 35 фоизи устодони калон дар ин давра ислоҳ нашаванд аз кор озод ё ба сатҳи пасттар, яъне асистент гузаронда хоҳанд шуд.

Раҳматулло Мирбобоев мегӯяд, ин шеваи кор имкон медиҳад, ки “ҳам сатҳи таълимро дар донишкада баланд бардорем ҳам пешбурди корҳои илмиро ба роҳ монем. Бисёри устодони донишкада беунвон мебошанд. Солҳои дароз дар донишкада фаъолият мекунанд, як қисми онҳо аспирантураро хатм карданд, вале то ҳол натиҷаи корҳои илмиашон нест. Аз ҳамин нуқтаи назар санҷиши онҳоро ба роҳ мондем, чун ҳавасманд гарданду корҳои илмии худро пеш баранд.”


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин устодон он чо на барои унвон, балки барои аз донишчуен пора ситонидан кор мекунанд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!