Русский  >>  فارسی  >>  Ҷумъа 9 декабр 2016, 14:40

Номзад номаълум. Назарпурсӣ: Мардум медонад, киро интихоб кунад

11 июл 2013, 10:28

Дар ҳоле ки номзадҳои аслии интихоботи раёсати ҷумҳури Тоҷикистон дар моҳи ноябри соли ҷорӣ маълум нест, натиҷаи як назарпурсӣ мегӯяд, мардум хуб медонанд, киро интихоб кунанд ва киро не.

Ин назарпурсӣ, ки аз 20-уми май то 3-юми июни соли ҷорӣ аз ҷониби ташкилоти мустақили таҳқиқотии “Барометри осиёимиёнагӣ” миёни беш аз 1000 нафар анҷом шудааст, муайян намуда, ки аксари аҳолии Тоҷикистон ба таҳаввулоти мусбат дар кишвар бовар доранд.

94 дарсади пурсидашудагон гуфтаанд, аз интихоботи моҳи ноябри соли ҷорӣ хабар доранд ва бештар аз нисфашон изҳор доштаанд, ки аллакай медонанд, ба ҷонибдории кӣ овоз хоҳанд дод.

“89 дарсад гуфтанд вазъи иқтисодияшон дар як соли гузашта беҳбуд ёфтааст. 76 дарсади сокинон муътақиданд, ки дар сурати рушди мавҷудаи иқтисодиёт дороии шахсияшон дар ояндаи наздик афзоиш хоҳад ёфт”,-таъкид шудааст дар хулосаи назарпурсӣ.

Дар бахши сиёсати хориҷӣ, 39 дарсади назардиҳандагон Русия, 13 фоиз Чин ва 10 дарсад Эронро муҳимтарин шарик Тоҷикистон гуфтаанд. Дар қатори кишварҳое, ки ба Тоҷикистон таҳдид мекунанд, 24 дарсад Узбакистон, 22 дарсад Афғонистон ва 7 дарсад Амрикоро ном бурдаанд.

Аксарияти мусоҳибон дунявӣ будани Тоҷикистонро пуштибонӣ намуда, 60 дарсад изҳор доштаанд, ки дин бояд дар сиёсати давлатӣ ягон нақше надошта бошад.


Шарҳи худро бинависед:

Ном:*
E-Mail:
Матни шарҳ:
Посух додан
  • Солик

  • 11 июл 2013 10:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Номзадхо-ку хануз расман пещбари нашуданд, ино аз кучо медонанд, ки чонибдори ки хоханд буд?!
Посух додан
  • Муслис

  • 12 июл 2013 10:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Маълум мешавад, ки пурсидашудагон хамаашон номусулмон будаанд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!