Русский  >>  فارسی  >>  Шанбе 10 декабр 2016, 17:45

Фавти 72 нафар аз cил: 60 миллион $ куҷо меравад?

11 июл 2013, 17:32

Ибодуллоҳи ТОҲИР

Соҳибназар Раҳмонов, муовини вазири тандурустии Тоҷикистон мегӯяд, аз рӯи гуфтаҳои Асадулло Саидов, як сокини ноҳияи Рӯдакӣ, ки дар ҳузури вазир гуфт, табибон барои табобати писари мубталои сил аз ӯ пул мегиранд, ба тамоми соҳа баҳо додан дуруст нест.

Раҳмонов мегӯяд, ин шаҳрвандро ба ҳузур пазируфтааст ва афзуд: “Имрӯз бемории намуди мутобиқгаштаи сили писараш пурра табобат шудааст. Яъне ӯ дигар манбаи сироят нест. Агар имрӯз ӯро ба бемористони Қарияи боло ва ё ба Маркази ҷароҳии қалб гузаронем, барои нафароне, ки ҳамроҳи ӯ дар як ҳуҷра мехобанд зараровар нест. Яъне вай аз ҷиҳати сил солим аст.”

Ҷаноби Раҳмонов илова намуд, ки ҳамаи беморӣ паёмад дорад ва яке аз паёмадҳои бемории сил ин аст, ки дар пардаи рӯи дили бемор мушкил пайдо мешавад: “Дар натиҷа дил пурра кушода нашуда ва хунро ба шоҳрагу ба дигар рагҳои хунгард намефиристонаду одам норасоии оксигенро ҳис мекунад. Барои ин амалиёти ҷарроҳӣ гузаронидан лозим аст, ки имконияти гузаронидани чунин амалиётҳо дар дохили кишвар вуҷуд дорад.”

Асадулло Саидов, як сокини ноҳияи Рӯдакӣ, зимни нишасти матбуотии ин ниҳод иддаои вазирро, ки гуфт, табобати сил дар Тоҷикистон ройгон аст, қатъиян рад карда, гуфт, “чӣ гуна ройгон аст, ки баъди чор соли беморӣ ҳамсарам соли 2013 аз сил фавтид ва ҳоло писари 14-солаам, ки 6 моҳ боз дар беморхонаи Мачитон хоб асту ҳатто пули сӯзанро ҳам аз ман мегиранд”.

Аммо муовини вазири тандурустӣ таъкид медорад, ки аз рӯи иддаои як сокин ба тамоми соҳа баҳогузорӣ кардан дуруст нест: “Тасаввур кунед, ки имрӯз 50-ҳазор нафар дар соҳаи тандурустӣ бо мардум сару кор дорад. Аҳолии кишвари мо 8 миллион аст ва дар як сол мо 36 миллион муроҷиати расмӣ ба қайд мегирем. Ба ҳисоби миёна бинед, ки як шаҳрванди кишвар дар як сол то 5 маротиба ба корманди соҳаи тандурустӣ муроҷиат мекардааст.”

Соҳибназар Раҳимов, мегӯяд хазинаи феълии мубориза алайҳи сил дар Тоҷикистон зиёда аз 60 миллион долари амрикоиро ташкил медиҳад.

Дар ҳамин ҳол Уктам Бобохоҷаев, директори Маркази ҷумҳуриявии мубориза бар зидди бемориҳои сил мегӯяд, “аз ин беморӣ дар шаш моҳи соли 2013 дар кишвар 72 нафар фавтидааст. Дар соли гузашта дар ҳамин давра шумораи фавтидагон аз ин беморӣ 173 нафар буданд. Яъне муриш аз ин беморӣ 101 нафар кам шудааст. Дар маҷмуъ сатҳи мубталошавӣ ба сил дар ҳақиқат дар ҷумҳурӣ пас шуда истодааст. Соли 2013 ҳамагӣ 3 ҳазору 522 нафар бемории сил ба қайд гирифта шуд. Дар шаш моҳи соли 2012, 3 хазору 701 бемори силро ба қайд гирифта будем. Шумораи умумии гирифторони бемории сил дар кишвар зиёда аз 14 ҳазорро ташкил медиҳад.”

Дар мавриди писари Асадулло Саидов, директори Маркази ҷумҳуриявии мубориза бар зидди бемориҳои сил мегӯяд, “ин писар аллакай сиҳат шудааст ва бояд вазъи ӯро ташхис карда, ба хулосае биёем, ки табобаташро дар куҷо идома бидиҳем.”


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бояд гуфт ки бо ин 60 милион хамаи точикистонро табобат кардан мумкин коркунони фасод корашонро ефтанд акнун мархамат ба вазорати тандурусти ебу гир

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!