Русский  >>  فارسی  >>  Панҷшанбе 8 декабр 2016, 14:53

9 кӯча дар Душанбе аз нав номгузорӣ шуданд

12 июл 2013, 11:20

Дар иҷлосияи понздаҳуми Маҷлиси вакилони халқи шаҳри Душанбе, ки 11-уми июл, таҳти раёсати Маҳмадсаид Убайдуллоев гузаштааст, 9 кӯчаи пойтахт аз нав номгузорӣ гардиданд.

Тавре маркази матбуоти шаҳрдорӣ иттилоъ дод, дар ин ҷаласа, кӯчаи Плеханови ноҳияи Исмоили Сомонӣ ба номи Зафар Нозимов, ҳунарманди шинохтаи тоҷик гузошта шуд.

Дар баробари ин, номи дигар кӯчаҳо, аз қабили кӯчаи Свердлови ноҳияи Исмоили Сомонӣ ба номи Содиқов Мустафо, кӯчаи Будёнийи ноҳияи Шоҳмансур ба номи Махсумов Акбар, кӯчаи Софя Ковалевскаяи ноҳияи Исмоили Сомонӣ ба номи Мухторов Аҳрор, кӯчаи Клара Сеткинаи ноҳияи Сино ба номи Ғаффор Мирзо, кӯчаи Гастеллои ноҳияи Шоҳмансур ба номи Сайф Раҳимзоди Афардӣ, кӯчаи Котовскийи ноҳияи Сино ба номи Абдуҷаббор Қаҳҳорӣ, кӯчаи Володарскийи ноҳияи Шоҳмансур ба номи Ғуломов Минхоҷ ва кӯчаи Титови ноҳияи Шоҳмансур ба номи Корманди хизматнишондодаи нақлиёти Тоҷикистон Мастонгулов Мирзо иваз карда шудаанд.

Бино ба иттилои манбаъ, тибқи муқаррароти мавҷуда то ҷашни 90- солагии пойтахт табдили номҳои ғайр дар шаҳр асосан ба итмом расонида хоҳад шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!