Русский  >>  فارسی  >>  Шанбе 10 декабр 2016, 00:16

Назарбоев қудратро ба дасти писараш месупорад?

12 июл 2013, 11:48

Ба гуфтаи бархе аз сиёсатшиносони Қазоқистон, Нурсултон Назарбоев, раисиҷумҳури ин кишвар нияти супоридани курсии раёсатро ба писараш дорад, вале давраи интиқолӣ ё худ гузариш ӯро нигарон кардааст.

Роҳат Алиев, раҳбари ҳаракати мухолифи “Алянс” ва собиқ домоди раисиҷумҳури Қазоқистон зимни суҳбат бо торанамои “ca-news” дар мавриди шахси ивазкунандаи Нурсултон Назарбоев ҳарф зада, гуфтааст, Назарбоев мехоҳад, курсии президентиро ба писари якумаш, ки аз ҳамсари сеюми ӯ мебошад, ба мерос гузорад.

Ба гуфтаи Алиев, раисиҷумҳури Қазоқистон дар мавриди нигоҳ доштани курсии президентӣ то мувофиқ гардидани синну соли писараш ба ду нафар эътимод дорад: “Назарбоев барои нигаҳдории курсии президентӣ ба ду нафар, Дарига Назарбоева духтари бузургаш ва ҷиянаш Нуртай Абукаев, раиси Кумитаи амнияти миллии Қазоқистон эътимод дорад. Аммо аз ин дар ташвиш мебошад, ки минбаъд ин афрод курсиро ба писараш хоҳанд дод ё, не.”

Раҳбари мухолифи қазоқ мегӯяд, барои Қазоқистон на мардуми ин кишвар, балки Шӯрои хонаводагии Назарбоев раисҷумҳур интихоб мекунанд: “Ин шӯро иборат аз худи Назарбоев, ҳамсари сеюмаш Асел, духтаронаш Дариға, Динора ва Алия, ҷиянҳои ӯ Нуртой Абукаев, Кайрат Назарбоев, Аҳмадҷон Есимов ва Сотиболдӣ Назарбоев, аз шахсиятҳои наздикаш, Тимур Қулибоев, соҳибкори машҳури қазоқ ва Умбетов мебошанд.”

Собиқ домоди раисиҷумҳури Қазоқистон дар посух ба суоли рӯзноманигор, ки агар Назарбоевро ба инобат нагирем, ин Шӯроро кӣ раҳбарӣ мекунад, афзудааст: “Назарбоев дар мавриди таъини кадрҳо худ тасмим мегирад ва одатан ингуна мавридҳо замони истироҳат сурат мегиранд. Вале то ин вақт ӯ бо ду ё се нафар, ки ба онҳо эътимод дораду ба гуфтаҳояшон гӯш медиҳад, маслиҳат мекунад. Қаблан ин афрод иборат аз Абукаев, Дариға, ман ва Қулибоев буд.”

Ин дар ҳолест, ки қаблан низ Нурсултон Назарбоев дар посух ба суоли хабарнигоре - Оё Шуморо канорагирӣ аз қудрат нигарон мекунад, чунин гуфта буд: “Ҳар як сиёсатшинос ва президент, бахусус барои нафаре, ки солҳои тӯлонӣ ҳукумат меронад, ба ин бояд фикр кунад. Ҳар сиёсатшинос ва президент фикр мекунад, ки корҳояш идома ёфта, барҳадар нараванд. Намунаҳо дар ин маврид хеле зиёданд ва онҳо мавриди баррасӣ мебошанд. Аз ҳама ҳолати вазнин ҳолати тағйир мебошад. Ва доимо дар фикр ҳастӣ, ки он чӣ гуна мешавад”.


Шарҳи худро бинависед:

Ном:*
E-Mail:
Матни шарҳ:
Посух додан
  • Akbar

  • 13 июл 2013 06:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
dar bolo hato navistagi ast Nurtay Abykaev jiyani nazarboev nest u hamsol ast ba prezident va yagon heshu tabori nadorad, va duvvum hatogi in Kairat Nazarboev jiyani prezident meshavad ammo nomash Kairat Satybaldy ast, va seyum hatogi Satybaldy Nazarboev in dodarash meboshad padari Kairat Satybaldy, va in shahs vafot kardagi ast. ammo Timru kulibaev domodi duvvumi prezident meboshad

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!