Русский  >>  فارسی  >>  Шанбе 3 декабр 2016, 03:20

Шикояти пайвандони рабудашудаҳо аз бефаъолиятии мақомоти тоҷик

12 июл 2013, 14:56

Пайвандони панҷ сокини ноҳияи Панҷакент, ки ахиран аз ҷониби сарбозони Узбакистон рабуда шудаанд, аз бефаъолиятии мақомоти тоҷик шикоят доранд.

Носсиҷуб Эшмуродова, мегӯяд бо гузашти 3 рӯз аз рабудани шавҳараш, Мардон Буриеви 74-- сола, писараш Сулаймон Буриеви 22-- сола, наберааш Мануҷеҳр Буриеви --5 сола ва ҳамсояҳо Исрофил Билолову Шоҳрух Қосимов, то ҳол аз онҳо дараке нест. Ҷониби Узбакистон ягон гапу хабаре ироа накарда истодааст ва мақомоти тоҷик ҳам изҳори беиттилоӣ мекунанд.

Эшмуродова мегӯяд, ин ҳодиса рӯзи 10 уми июн соати 18:00 дар ҷамоати Фароби ноҳияи Панҷакент рух додааст: “20 нафар аскарҳои Узбакистон ба анбор даромада, набераам Мануҷеҳр Буриевро, зимни бастани дастаи алаф доштаанд. Пас аз он шавҳарамро Мардон Буриев, писарам Сулаймон Буриев, Исрофил Билолов ва Шоҳрух Қосимовро боздошт карда ба Узбакистон буранд. Аскарони Узбакистон даъво доранд, майдоне, ки мо нахуд гандум ва алаф коридагӣ ҳастем дар сарҳади онҳо ҷойгир мебошад.”

Муҳосиби мо гуфт, баъди ин ҳодиса ба шуъбаи корҳои дохилии ҷамоати Фароби ноҳияи Панҷакент муроҷиат кардааст, вале то ҳол ягон хатту хабареро аз мақомоти тоҷик дарёфт нанамудааст.

Ин дар ҳолест, ки як моҳ қабл аз ҷамоати Моғиёни ноҳияи Панҷакент, чор чӯпон, як пашмтароши гусфандҳо, 41 гов ва беш аз ду ҳазор гусфанд рабуда шуда буданд ва то ҳол озод нагардидаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!