Русский  >>  فارسی  >>  Сешанбе 6 декабр 2016, 15:13

Боздошти як тан аз пайравони «Ҳаракати Исломии Ӯзбакистон»

10 май 2011, 11:11

Мансур Собитов, як сокини 32 солаи шаҳри Исфара, ки корманди корхонаи «Кимиёсервис» маҳсуб мешуд, барои ташкили иттиҳоди ҷиноӣ  мавриди боздошт қарор гирифт.

 

Тавре аз идораи умури дохилии Суғд ба хабарнигори минтақавии  «Озодагон» иттилоъ доданд, Мансур Собитов, замоне мавриди боздошти мақомот  қарор гирифтааст, ки ӯ  дар тӯли моҳҳои сенябр- октябри соли 2010 дастуру супоришҳои аъзоёни қаблан дасгиршудаи   «Ҳаракати исломии Ӯзбакистон» Ҳасанов Абдунаим,  сокини 29 солаи чамоати Навглени ин ноҳияро дар мавриди дастрас намудани ғизо ба ӯву аъзоёни дигари аз чашми мақомот панаҳбаранда мусоидат кардааст. Инчунин ӯ  барои харидорӣ  ва дастрас намудани ғизову маблағ ба аъзои дар кофтукоб қарор доштаи мақомот Сӯҳроб Ваҳҳобов, сокини шаҳри Исфара, ки дар моҳи октябри соли 2010 дар рафти амалиёти махсуси мақомот кушта шудааст, пайваста кӯмак намудааст. Оиди ин ҳодиса аз рӯи моддаи 36 қисми 5 ва 187 -и Кодекси ҷиноии ҶТ оғоз карда шудааст ва тафтиши ин қазия   идома дорад.

Ин танҳо як ҳодиса аз боздошти ҷавонон ба хотири пайвастан ба  гурӯҳҳои ифротгароӣ  набуда, балки дар соли гузашта дар қатори чанд нафар аз сокинони  шаҳри Исафара як хонандаи мактаб ҳам  бо исми Насибуллоҳи Собирзода, ки ҳанӯз ба балоғат нарасидааст, барои  пайвандонаш, ки аз чашми мақомот ғоиб ба сар мебурданд,  бо расонидани ғизову дигар муҳимот мусоидат кардааст, мавриди боздошт ва ба чанд соли зиндон равона карда шудааст.

Ин ҳам дар ҳолест, ки дар гузашта Исфараву Истаравшан ва Хуҷанд аз шаҳрҳои саноатии Суғд маҳсуб мешуданд, вале ҳоло ба руйхати мақомотҳои давлатии Тоҷикистон,  шаҳрҳое унвон мешаванд, ки масоили гароиши ҷавонон ба ҳизбу ҳаракатҳои мамнӯъи экстремистӣ  бештар мушоҳида мешавад, ки чунин раванд, аз тамоюли нави ҷинояткории ҷавонон дар солҳои охир  ба шумор рафта ва дар ин минтақаҳои саноии Тоҷикистон бештар ба назар мерасад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!