Русский  >>  فارسی  >>  Душанбе 5 декабр 2016, 23:35

«Сноуден нақшаи системаи Агентии амнияти миллии Амрикоро дар ихтиёр дорад»

15 июл 2013, 14:17

Эдвард Сноуден санадҳои махфии муҳимеро дар ихтиёр дорад, ки аз кор ва таҷҳизоти Агентии амнияти миллии ИМА маълумоти комил медиҳад. Дар ин бора Associated Press бо такя ба изҳороти Гленн Гринуолд, рӯзноманигори The Guardian иттилоъ додааст.

Ба қавли Гринуолд, Сноуден нусхаи аксҳои ҳуҷҷатҳои «хеле муҳим», ки сохтор ва шеваи кори хадамоти вижаи Амрикоро пурра нишон додаст, бо худ дорад. Ин нусхаҳоро Сноуден барои он гирифтааст, ки далелҳои муътамаде барои исботи маълумоти ифшокардааш дошта бошад, гуфтааст журналист.

Аммо Гринуолд афзуда, ки Сноуден намехоҳад, ин санадҳо нашр шаванд, чун ҳар нафари онро дида метавонад ба осонӣ системаи агентиро барҳам занад. Бо ин ҳол журналист гуфтааст, асноди дар дасти Сноуден буда, ба амнияти амрикоиҳо хатар эҷод накарда, танҳо барои мақомоти ИМА хатарбор аст.

Эдвард Сноуден, ки аз 23-юми июн дар минтақаи транзитии фурудгоҳи «Шереметево»-и Маскав ба сар мебарад, тасмим дорад, дар Амрикои Лотинӣ паноҳгоҳи сиёсӣ дарёфт кунад. 12-уми июл Сноуден бо ҳомиёни ҳуқуқ ва журналистон мулоқот кард. Ӯ гуфтааст, ҳоло наметавонад аз Маскав парвоз кунад, чун «бархе кишварҳои Аврупои ғарбӣ ва ИМА метавонанд бо роҳи ғайриқонунӣ ӯро дастгир кунанд».

Мақомоти ИМА Эдвард Сноуденро дар ҷосусӣ ва ифшои барномаҳои махфии идораҳои кашфи Амрико айбдор мекунанд. Рӯзи 30-юми июн маҷаллаи олмонии Der Spiegel ва рӯзномаи бритониёвии The Guardian бо такя ба иттилои Эдвард Сноуден навиштанд, ки хадамоти кашфи Амрико гуфтугӯҳои телефонии мансабдорони аврупоиро гӯш мекарданд ва шабакаҳои компутарии Иттиҳодияи Аврупо, Ҷопон, Кореяи ҷанубӣ ва Ҳиндустонро таҳти назорат доштанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!