Русский  >>  فارسی  >>  Ҷумъа 9 декабр 2016, 18:34

Ифтитоҳи парвандаи ҷиноӣ алайҳи нонпазҳо

16 июл 2013, 10:16

Додситонии шаҳри Қӯрғонтеппа алайҳи соҳибони нонвойхонаҳо барои дуздии барқ парвандаи ҷиноятӣ кушодааст.

Баҳриддин Бозоров, прокурори шаҳри Қӯрғонтеппа, мегӯяд, Абдулмуъмин Абдухолиқов, сокини ноҳияи Вахш, ки дар шаҳри Қӯрғонтеппа, дар дохили ҶСК «Қўрғонтеппасоз» нонвойхона доштааст, бидуни ҳисобкунаки барқӣ қувваи барқро ғайриқонунӣ аз аввалҳои моҳи ноябри соли 2012 то 11 июни соли 2013 истифода намудааст.

Ба иттилои додситонӣ Шамсулло Раҷабов, соҳиби нонвойхонаи дигар дар Қӯрғонтеппа, бидуни ҳисобкунаки барқӣ қувваи барқро аз моҳи декабри соли 2012 то 11 июни соли 2013 истифода намуда, бо роҳи фиреб ва сӯиистифода аз боварӣ ба Идораи барқи шаҳри Қӯрғонтеппа зарари амволӣ расонидааст.

Баҳриддин Бозоров мегӯяд, нисбати ин ду шаҳрванд бо моддаи 253, қисми 1, Кодекси ҷиноятии Ҷумҳурии Тоҷикистон парванда боз гардида, барои тафтиши пешакӣ ба ШВКД-и шаҳри Қӯрғонтеппа ирсол гардидааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!