Русский  >>  فارسی  >>  Душанбе 5 декабр 2016, 19:37

Маблағ аз шикори “Марко Поло” ба "Роғун" меравад

16 июл 2013, 14:15

Кумитаи ҳифзи муҳити зисти Тоҷикистон нархи иҷозатнома барои шикори як гусфанди Марко Полоро имсол 45 ҳазор сомонӣ гуфта, таъкид мекунад, ки нисфи ин маблағҳо барои бунёди нерӯгоҳи “Роғун” равона хоҳад шуд.

Абдуқодир Маскаев, як масъули Кумитаи ҳифзи муҳити зист дар суҳбат ба «Озодагон» гуфт, имсол низ чун ду соли пеш барои шикори ин намуди гусфанд 80 адад квота пешниҳод кардаанд. Ӯ илова намуд, ки мавсими шикори «Марко Поло» аз аввалҳои моҳи сентябр то охири февралро фаро мегирад ва дар мавсими гузашта аз 80 квота барои шикори гусфанди «Марко Поло» 66 ададашон аз ҷониби шикорчиён харидорӣ шудаанд.

Ин мусоҳибамон қайд кард, ки маблағҳое, ки аз ҳисоби шикори гусфанди «Марко Поло» ҷамъ мешаванд, 15% ба буҷети маҳаллӣ, 50% ба сохтмони неругоҳи оби барқии «Роғун» ва боқимонда ба корҳои беҳсозии ҳифзи муҳити зист равона карда мешаванд.

Минтақаҳое, ки асосан ин намуди гусфандро дарёфтан мумкин аст, ин минтақаи Мурғоб, Ишкошим, Шуғнон мебошанд. Масъулини Кумитаи ҳифзи муҳити зист мегӯянд, «Марко Поло» ҳоло ба китоби сурх ворид шудааст ва теъдодаш дар Тоҷикистон 24 ҳазорро ташкил медиҳад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!