Русский  >>  فارسی  >>  Якшанбе 11 декабр 2016, 16:52

Президент бо ордени “Барои баҳодурӣ” сарфароз шуд

16 июл 2013, 17:51

Нурсултон Назарбоев, райиси ҷумҳури Қазоқистон бо ордени "Барои баҳодурӣ" қадр шудааст. Дар ин бора ВАО-и Қазоқистон хабар медиҳанд.

Гуфта мешавад, тасмими ба президенти Қазоқистон додани нишонро Кумитаи байналмилалии машваратӣ дар ҳамоиши "Миссияи сулҳ ва дустӣ" дар шаҳри Остона гирифтааст.

"Имрӯз хело хушҳолам, ки тасмими кумитаамонро ҷиҳати тақдими нахустин ордени “Барои баҳодурӣ” ба президент Нурсултон Назарбоев эълон мекунам", -изҳор доштааст Александр Каншин, раҳбари кумитаи мазкур.

Ба қавли ӯ "соле қабл дар ҷаласаи Вена мо тасмим гирифтем, ки ҷоизаи олии кумитаи хеш –ордени “Барои баҳодурӣ”-ро таъсис диҳем. Ин орден ба раҳбарони кишварҳое тақдим мешавад, ки ба созмонҳои ветеранӣ таваҷҷуҳи зиёд доранд ва дар рушди ҳаракатҳои ветеранӣ саҳм гузошта, ба неруҳои мусаллаҳ, ҷавонон, оилаҳои хизматчиёни ҳарбӣ кӯмаки худро дареғ намедоранд. Ҳамчунин мо фикр мекунем, бо ин ҷоиза собиқадорон, иштирокчиёни низоъҳои мусаллаҳона ва онҳоеро ки барои ҳифзи сулҳ дар замин хуни худро рехтаанд, сарфароз намоем”.

Иқдоми “Миссияи сулҳ ва дӯстӣ” бо ташаббуси Иттиҳодияи ҷамиятии “Собиқадорони неруҳои мусаллаҳ”-и Қазоқистон оғоз шуда, то 17-уми июл идома мекунад. Иштирокдлорони он масоили таъмини сулҳу амният ва тарғиби ватандӯстӣ миёни ҷавононро баҳс мекунанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!