Русский  >>  فارسی  >>  Якшанбе 4 декабр 2016, 21:17

Интиқоди Бобоҷонов аз интизоми таксистҳои Хатлон

17 июл 2013, 10:22

Хайриддин Бобоҷонов, сардори Хадамоти давлатии назорат ва танзим дар соҳаи нақлиёт, аз интизоми ронандаҳои нақлиёти таксӣ дар Хатлон интиқод намуда, онро муъҷиби нороҳатии мусофирон, садамаҳо ва ворид нашудани маблағ ба буҷа арзёбӣ намуд.

Номбурда зимни нишасти матбуотӣ ба сифати далели беинтизомии таксистҳо дар вилоят гуфт, “нишони таксӣ надоранд ва ҳамзамон сигор дар даҳон, телефон дар даст, мусиқӣ баланд, мошинро аз рӯйи суръати 100 меронанд. Аҳамият намедиҳанд, ки ин ба мусофирон мефорад ё не. Барои даъвати мусофирон ба саворшавӣ бо садои баланд бонг мезананд ва баъзан барои муштарӣ шуда бо якдигар хархаша низ мекунанд.”

Бобоҷонов афзуд, ки барои барҳам задани ин ҳама бояд ҳар як ронандаи таксӣ зери назорат бошад ва андозҳои ҳатмиро пардохт намояд. Аммо ба қавли ӯ ронандаҳо намехоҳанд иҷозатнома (литсензия) гиранд, ҳол он ки он арзон аст: “Дар як сол ҳар як ронандаи таксӣ бояд 240 сомонӣ пардохт намояд. Фақат дар шаҳри Қӯрғонтеппа 80 фоизи таксиҳо литсензия надоранд. Ва ҳисоб кардем, дар шаҳри Қӯрғонтеппа 200 воситаи нақлиёти таксӣ гардиш мехӯрад. Агар пардохт кунанд, мо метавонем барои эҳтиёҷоти соҳа, онро равона кунем.”

Хадамоти назорат дар бахши нақлиёт мегӯяд, қисми зиёди садамаҳо аз бетартибиву бенизомии ронандаҳо сар мешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дар масъалаи надоштани нишони таки, сигор дар даҳон, телефон дар даст, мусиқии баланд ва суръати мошин гапат 100 % рост. Лекин айба намедонен мегуед, ки у агар пардохт кунан метавонем барои эҳтиёҷи соҳа равон кунем. Рузат ба таксиҳо монда й а? Илтимос гапотона фикр кунен. Вайо ҳам оила зиндаги падару модар доранд. Баъзеҳояшон 2-3 оиларо мехуронанд

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!