17 июл 2013 11:14Тоҷикистон / Иқтисодӣ / Тема дня

Қарори Убайдуллоев барои истеҳсоли троллейбус дар Душанбе

Маҳмадсаид Убайдуллоев, раиси шаҳри Душанбе барои роҳандозии насбу истеҳсоли троллейбус дар Душанбе қарор қабул карда, аллакай созишнома дар ин бора бо корхонаи “Тролза”-и Русия баста шудааст.

Шавқат Саидов, сухангӯи шаҳрдорӣ дар суҳбат бо хабаргузории “Озодагон” гуфт, насбу истеҳсоли троллейбусҳо дар корхонаи «Насби нақлиёти барқӣ (троллейбус) ва велосипед» ба роҳ монда мешавад, ки як сол пеш ташкил шуда буд: “Тибқи созишнома то 1-уми ноябри соли равон аз Русия ба Душанбе 15 троллейбуси тайёр ва 15 машинокомплект оварда мешаванд. Аз Русия қисматҳоеро меорем, ки дар мо нестанд ва ба ҳамин восита дар Душанбе хатти насб ва истеҳсоли троллейбусро фаъол хоҳем кард.”

Убайдуллоев дастур додааст, аз буҷети шаҳр барои хариди троллейбусҳои тайёр ва машинакомплектҳо 18 миллиону 963 000 сомонӣ ҷудо гардад.

Шаҳрдорӣ мегӯяд, дар пайи фаъол сохтани хатти насбу истеҳсоли троллейбус дар Душанбе истеҳсоли велосипедҳо низ роҳандозӣ хоҳад шуд.

Мӯҳр

Хабарҳои монанд:

кцккйц

Хамин тролейбусхои самбака ба ки лозиманд? Мардум троллейбусхоро умуман истифода намебарад.

Ҷавоб диҳед Иқтибос Шикоят

Rustam Rustamov

ДАР МУДАТИ КАРИБ БИСТ СОЛ ИСТЕХСОЛ НАКАРДЕД ДИГАР ДАРКОР НЕСТ.....!!!!!!!!!
ЧИ ВАКТИ ИНТИХОБОТ ОМАД ИНРО ШУМО ХАМ МЕДОНЕД.

Ҷавоб диҳед Иқтибос Шикоят

Сайф

Роххои мо танг аст барои тролейбус, бубинед аксарияти "пробка"-хо дар кучахои шахр бар асари тролейбусхои шохканда ба вучуд меояд. истехсоли велосипед хуб аст, аммо тролейбус ба фикрам лозим набуд.

Ҷавоб диҳед Иқтибос Шикоят

Firdavs Komilov

бародар мебахшеду ман нафахмидам агар обод кунанд боз мегуед лозим набуд накунанд аз кампири лаби об мегузаронед))тамоми воситахоро бояд истифода бурд ба Душанбе лозим набошад дигар шахрхо хастанд ку ё содирот мекунем

Ҷавоб диҳед Иқтибос Шикоят

Эзоҳ илова кунед