Русский  >>  فارسی  >>  Ҷумъа 9 декабр 2016, 03:05

Зарифӣ дар бораи интихоботи президентӣ, пойгоҳи 201 ва Додоҷон

17 июл 2013, 11:40

Ҳамроҳхон Зарифӣ, вазири умури хориҷии Тоҷикистон, дар нишасти хабарии 17-уми июл дар Душанбе гуфт, президент шудан дониш ва тавоноии бештар мехоҳад, ки чунин қобилиятро надорад. Вай бо ин ҳарфҳои худ иштирокаш ба ҳайси номзад дар интихоботи президентии Тоҷикистонро рад кард.

Бо ин ҳол, оқои Зарифӣ гуфт, бовар дорад, ки интихоботи раёсати ҷумҳури Тоҷикистон орому шаффоф баргузор ва нафари арзанда интихоб хоҳад шуд.

Ҳамроҳхон Зарифӣ дар ин нишасти хабарӣ инчунин ба масъалаи муносибатҳои Тоҷикистону Русия низ дахл кард ва гуфт, Душанбе ҳатман қарордод дар бораи тамдиди ҳузури пойгоҳи 201-и Русияро тасвиб мекунад. “Мо ҳамаи аснодро омода кунем, созишнома ба тасвиб мерасад. Сарусадоҳо фантазияи баъзе аз соҳибназарон аст. Бояд бигӯям, ки корҳо барои омода кардани санадҳои лозимӣ идома дорад. Умедворам, ба тасвиб мерасад”,-афзуд ӯ.

Дар аввали моҳи майи соли ҷорӣ Владимир Путин, раисиҷумҳури Русия, зери қонун дар мавриди шароити будубоши пойгоҳи низомии 201-уми Русия дар қаламрави Тоҷикистон имзо гузошт. Ин созишнома моҳи октябри соли гузашта аз ҷониби президентҳои Тоҷикистону Русия, Эмомалӣ Раҳмон ва Владимир Путин имзо гардида буд. Пойгоҳи низомии Русия дар хоки Тоҷикистон аз соли 1993 то кунун ҳузур дошта, баъд аз тасвиби ин созишнома аз тарафи ҷонибҳо 30 соли дигар боқӣ хоҳад монд.

Оқои Зарифӣ дар идома гуфт, ҳоло дар муносибати Душанбеву Маскав ҳеч мушкиле вуҷуд надорад ва изҳори назарҳо дар ин бора андешаи шахсиятҳои алоҳида дар Душанбеву Маскав асту халос. “Дар сатҳи давлатӣ мо мушкилот надорем”,-гуфт ӯ.

Вазири умури хориҷии Тоҷикистон дар бораи барномаҳои Додоҷони Атовуллоҳ, журналист ва раҳбари ҷунбиши сиёсии “Ватандор” дар телевизони “К+” низ изҳори назар кард ва гуфт, “мо ягон кишварро айбдор карданӣ нестем, ки бо ҷаноби Атовуллоҳ хамкорӣ мекунад. Он фактҳои Додоҷон асос надорад. Он ҳама андешаҳои барғалати ӯст. Фикр мекунам, аз он алфози қабеҳи ӯ дар нисбати Точикистон мардуми кишвар хулосаи худро мебароранд.”


Шарҳи худро бинависед:

Ном:*
E-Mail:
Матни шарҳ:
Посух додан
  • Суғдӣ

  • 17 июл 2013 12:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ҷаноби вазир ҳамаи суханҳои шумо хуб аст ва донишу тавоноии баланд низ доред. Аз номи хешу таборони даҳ нафар шаҳрвандони тоҷики муқими ноҳияи Панҷекат аз шумои азиз илтимосу зора мекунем, ки фарзандонамонро аз асорат ва гаравгонгирии золимонаи тарафи Ҷумҳурии Узбекистон тариқи каналҳои дипломатӣ озод намоед. Аз тақдири ҷигарбандонамон сахт дар ташвишем ва бовар кунед хоби шабамон ҳаром аст. Ташаккур.
Посух додан
  • Дарвеш

  • 17 июл 2013 15:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамаи гуфтахои Додочони Атовулло хакикатан ва дуруст мебошанд. Точикистон ба як кишвари худкома табдил ёфтааст. Дар Точикистон як гурухи мансабдорон бо гирифтани ришва ё хушутаборбози, зиндагии пурдабдаба доранду,парвои мардуми бечора надоранд. Аксарияти мардум ,факат бо рохи ба мухочирати мехнати рафтан , зиндагии худашона факирона мегузаронанд. Бубинед хато дар мохи шарифи Рамазон,нарххои махсулотхои гизои ба аксарияти мардум дастнорас шудаанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Д. Атовуло аввалин нафари далери миллат мебошад, ки хакикатро аз минбар мегуяд. хизби Ватандор зинда бод!!!
Посух додан
  • беном

  • 17 июл 2013 19:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дарвеш, бародари азиз баланд шудани молу махсулот дар дасти раисичумхуру окои Зарифи нест. Он дар дасти савдогарон аст. Лутфан аз хамаи истифодабарандагони сомонаи Озодагон хохиш карда мешавад, ки комментхои худро дидаву дониста нависед. Аз дикататон минатдорам.
Посух додан
  • Бекор

  • 17 июл 2013 19:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Фарки Зарифи аз Зайд Саидов махз дар он аст, ки у кобилияту тавоноии худро медонад.
Е кош, акалан, нисфи вазирони Эмомали мисли Зарифи кордону зирак мебуданд...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
МУХТАРАМ БЕНОМ!!!!!!
АГАР ХАМА ХАЛКИ ТОЧИК НАДОНАД, КИ БИЗНЕСИ ОРДРО КИ ДАР ТОЧИКИСТОН МЕКУНАД ИНРО МАН МЕДОНАМ ВА ИНРО ТУ ХАМ МЕДОНИ ЧИ ДАРКОР АСТ СУХАНИ ЗИЁД ЧИ ШАРТАСТ, КИ НОМХОЯШОНРО НАВИСАМ ВА АГАР НАВИСАМ ХАМ ИНРО "ОЗОДАГОН" НАМЕНАВИСАНД... ДАР ВАТАНИ МО ИН ЯКУМИН ДАРАЧА ОРД АСТ ОРД КИМАТ ШУД ХАМАИ ХУРОКВОРИХО АЗ БЕНЗИН ТО СОБУН ХОХИ НАХОХИ МЕХЕЗАНД.
МЕБАХШЕД ШУМО ФИКР КАРДА НАВИСЕД.!!!!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Попробуй и рискни, господин министр, скажи какую-то горькую правду и сразу же вылетишь с кресла и тебе повторят "судьба" Зайда. Конечно же, всем твоим сказкам никто не поверит))))
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам БЕНОМ.
МАН бо ин навиштаи ту розиям......
Посух додан
  • dfkjdv

  • 19 август 2013 02:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
суханхои додожон атовулоев хакикат аст ва у аз руи адолат рафтор кардааст
Суғдӣ,

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!