Русский  >>  فارسی  >>  Чоршанбе 7 декабр 2016, 02:44

Мунтахаби ҷавонони Тоҷикистон ба қаҳрамонии Осиё омодагӣ мебинанд

17 июл 2013, 12:07

Мунтахаби ҷавонони то 19-солаи Тоҷикистон оид ба футбол дар доираи омодагиҳо ба мусобиқаи интихобии қаҳрамонии Осиё бо Мунтахаби наврасони то 16-солаи Тоҷикистон як бозии санҷишӣ анҷом медиҳад. Футболбозони то 19-солаи Тоҷикистон рӯзи 16-уми июл тамринҳои 5-рӯзаи худро дар варзишгоҳи марказии пойтахт оғоз намуданд.

Салоҳиддин Ғафуров, сармурабби ин тим ва ёвари ӯ Нуъмонҷон Юсупов ба ин ҳайат 20 бозигарро даъват намудаанд. Шогирдони Ғафуроф рӯзи шанбе, 20-уми июл дар варзишгоҳи марказии Душанбе бо шогирдони Чикаши Сузуки, мутахассиси японӣ ба сабқат мебароянд. Бозӣ соати 18:00 оғоз мешавад.

Ҳайати мунтахаби ҷавонони то 19-солаи Тоҷикистон чунин аст:

Дарвозабонҳо: Муродулло Саидов (“Энергетик”), Эмомалӣ Сониев (“Истиқлол”);
Ҳимоятгарон: Анварҷон Ҳамроқулов, Фирдавс Чақалов (ҳарду – ССКА “Помир”), Самандари Хайриддин, Зокир Иброҳимов (ҳарду – “Истиқлол”), Алишер Ҷураев, Алишер Холмуродов (ҳарду – “Энергетик”), Далер Бердиқулов (“Регар-ТадАЗ”);
Нимҳимоятгар: Ҷаҳонгир Алиев (“Хуҷанд”), Вайсиддин Сафаров, Додохон Муминов (ҳарду – “Истиқлол”), Комрон Турсунов, Дилшод Саломов, Дилшод Расулов (ҳама - РТСУ), Парвиз Ҳамидов (“Хайр”), Шамшод Ҳайдаров (“Регар-ТадАЗ”);
Ҳамлагарон: Сиёвуш Муҳсинов (“Истиқлол”), Меҳроҷиддин Музаффаров (“Энергетик”), Суннатулло Холов (“Вахш”).

Мунтахаби ҷавонони Тоҷикистон (U-19) дар мусобиқаи интихобии қаҳрамонии Осиё ба гурӯҳи “D” шомил шуда, тирамоҳи соли равон дар шаҳри Теҳрон бо тимҳои Эрон, Арабистони Саудӣ ва Лубнон қувваозмоӣ мекунад. Мунтахаби ҷавонони Тоҷикистонро дар ин бозиҳо сармураббӣ Салоҳиддин Ғафуров роҳбарӣ мекунад.

Ғолибони 9 гуруҳ ва 6 дастаи беҳтарини ҷойҳои дуюм ба сабқати ниҳоии мусобиқаи қаҳрамонии Осиё (U-19), ки моҳи октябри соли 2014 дар Мянмар доир мегардад, роҳхат мегиранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!