Русский  >>  فارسی  >>  Якшанбе 11 декабр 2016, 14:52

Камбудӣ: Зиёиёни тоҷик ба суд бо забони русӣ муроҷиат кардаанд

18 июл 2013, 11:46

Наим Мансуров, раиси Додгоҳи олии иқтисодии Тоҷикистон, бо такя ба қонунгузории кишвар мегӯяд, даъвоҳо дар мавриди ҳимояи шаъну шараф ва риояи одоби касбӣ ба салоҳияти суди иқтисодӣ низ дохил мешаванд.

Мансуров, имрӯз, 18-уми июл, зимни нишасти матбуотӣ, дар посух ба суоли “Озодагон” дар мавриди даъвои зиёиёни тоҷик алайҳи рӯзноманигор Олга Тутубалина ва нашрияи “Азия Плюс” гуфт, ин иддао ба суди иқтисодӣ тобеият дорад, аммо то куҷо асоснок аст, мо гуфта наметавонем. Раиси суди олии иқтисодӣ афзуд, ки ҳаққи дахолат ба ин даъворо надорад ва қарор дар бораи ба баррасӣ гирифтан ё нагирифтанашро танҳо судя қабул хоҳад кард. “То расидан ба марҳилаи кассатсионӣ мо аз ибрози назар дар мавриди ин даъво ба хотири ҷилавгирӣ аз ҳар гуна гуфтугузорҳо худдорӣ мекунем.”

Дар ҳамин ҳол, дар номае ба идораи “Азия Плюс” додгоҳи иқтисодӣ далели ба баррасӣ нагирифтани даъвои зиёиён алайҳи Тутубалинаро дар он гуфтааст, ки аризаи даъвогӣ бо забони русӣ навишта шудааст. Ба даъвогарон барои ислоҳи ин камбудӣ то 22-юми июли соли равон муҳлат дода шудааст.

Қаблан панҷ иттиҳодияи эҷодию илмӣ ва Дилбар Абдиева, номзади илмҳои тиб, дотсенти кафедраи бемориҳои венерологӣ аз болои рӯзноманигор Олга Тутубалина ва нашрияи “Азия Плюс” ба додгоҳи иқтисодии Душанбе муроҷиат карда, ҳабси амвол ва рӯёнидани 200 ҳазор сомониро талаб карда буданд.

Даъвогари асосӣ Иттифоқи нависандагон дар ҳамроҳӣ бо Академияи улуми Тоҷикистон, Иттифоқи рассомон, Иттифоқи оҳангсозон, Иттифоқи меъморон иддао доранд, ки Тутубалина дар матлабаш “Неинтеллигентно об интеллигенции” тамоми қишри ҷомеаро, ки ба фаъолияти эҷодию илмӣ машғуланд, таҳқир кардааст. Тутубалина дар матлабаш бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурдааст ва таъкид кардааст, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.


Шарҳи худро бинависед:

Ном:*
E-Mail:
Матни шарҳ:
Посух додан
  • зафар курбонов

  • 18 июл 2013 12:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
зиеи да забони модариро эхтиром намегузорад. инро зиеи мегуянд
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бо кадом ақлу фаросат номаи даъвоиро ба суди Тоҷикистон бо забони русӣ пешниҳод намудаанд? Фа фикрам, ба забондонии худ бовар накардаанд. Ин бор ҳам Тутубалина болои онҳо хандаи масхараомез мекунад: "Ана, ман нагуфта будам ки, онҳо кӣ ҳастанд? Худашон ба қадри забонашон намерасанду, боз аз дигарон талаб мекунанд!" Ба акси ӯ нигаред, аз болои ҳамаи тоҷикон хандида истодааст.
Банда ба даъвогарони ин қазия таъкид мекунам: "Агар О.Т. бар шумо дар суд пирӯз шавад, бояд ҳамаи шумо аз Тоҷикистон беному нишон нопадид гардед. Модоме бар як таҳқиркунандаи рус пирӯз шуда наметавонед, пас ҳаққи шоиру нависандаву оҳангсозу рассому журналисту ва ғайраи тоҷик будан надоред. Дасту остинро боло карда, аз ҳозир ба мубориза омода бошед. Сухан сари нангу номуси миллӣ рафта истодааст.
Посух додан
  • Изхор

  • 18 июл 2013 14:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар чамшед рост гуфти ман тарафдори ту. Якум Мехмон Бахти равад. Дар хакикат Тутубалина ба зиёиён беехтироми кардааст. Аммо баъзеи нафарони даъвогар зиёи нестанд. Аз рузе, ки Мехмон раиси нависандахо интихоб шуд мухолифату ракобати носолими эчодкоро сар шуд. Боз худаша зиёи мегирад. Зиёи бояд фикру андешаи созанда дошта бошад, на сузанда!!

Хамин гапи Тутублин чи ахамят дорад ман хайрон. Читуре, ки ленин мефармояд: Саг мечака корвон ба рахаш мерава. Озодагон чопаш кун иктибос ай Ленин аст!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин Абдиева Дилбар Хаджиевна аз овони донишчуи мешиносам бо забони точики харф зада наметонад дар дарс сигор мекашид ва аз донишчуен пул меситонд фаросати табиби надорад худашку як шармандааст боз кучо худро шарманда мекуни...
Посух додан
  • Хочи

  • 19 июл 2013 14:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Охир хамин Олга сад фоиз дуруст мегуяд!
Посух додан
  • saodat

  • 19 июл 2013 21:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
е тавба аз ин корхо намедони биханди е сахт гиря куни ки то ба чи ахвол расонидаанд давлату хукуматдориро
Озодагон - нависед дар бораи ракобату корхои нохалафонае ки дар иттифоки нависандагону академияи илмхо ин зиеихо доранд

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!