Русский  >>  فارسی  >>  Сешанбе 6 декабр 2016, 15:13

Додгоҳ як узви Ҷамоати Ансоруллоҳро ба зиндон фиристод

18 июл 2013, 11:51

Додгоҳи олии Тоҷикистон як сокини 26-солаи ноҳияи Бохтари вилояти Хатлонро барои узвият дар Ҷамоати Ансоруллоҳ, созмони мамнӯи мазҳабӣ, ба чаҳор соли зиндон маҳкум кардааст.

Нуриддин Расулов, қозии парванда, ҳангоми эълони ҳукм гуфтааст, Сайдулло Валиев барномаҳои Ҷамоати Ансоруллоҳ, як шохаи созмони Ал-Қоидаро, таблиғ мекард, ки ҳадафаш “аз роҳи зӯроварӣ сарнагунии сохти конститутсионии Тоҷикистон” аст. Ба қавли Расулов, ин сокини 26-солаи Бохтар соли 2005 ба нияти таҳсили динӣ ба Карочии Покистон рафта, соли 2007 дар Вазиристони Шимолӣ ба ҶамоатиАнсоруллоҳ мепайвандад.

“Сайдулло Валиев бо роҳбарони ин гурӯҳ, ки шаҳрвандони Тоҷикистон – Амриддин Табаров ва Қамариддин Аҳроров буданд, вохӯрӣ мекунад. Ӯ бо кумаки ашхоси алоҳида ба сафи Ҷамоати Ансоруллоҳ шомил гашта, бо пешниҳоди роҳбаронаш мақсадҳои ин гуруҳро миёни ҳамсабақонаш тарқибу ташвиқ мекунад ва бо роҳи фиреб ду нафар аз онҳоро ба ин таълимгоҳ меорад”,-афзудааст қозии парванда.

Додгоҳи олии Тоҷикистон моҳи майи соли 2012 фаъолияти пайравони Ҷамоати Ансоруллоҳ дар Тоҷикистонро мамнӯъ эълон кард. Мақомот дар оғоз гуфтанд, ки Мулло Абдулло (Абдулло Раҳимов) раҳбари ин созмон аст, аммо баъдан номи Мулло Амриддинро ба забон оварданд. Бо ин ҳол, маълум нест, ки раҳбарии ин созмон дар Тоҷикистонро кӣ ба уҳда дорад ва қароргоҳи онҳо куҷост.

Вале ин созмон бештари муроҷиатнома ва даъватҳову навори видеоияшро тавассути торнамои "Иршод", ки дар Тоҷикистон дастнорас аст, пахш мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!