Русский  >>  فارسی  >>  Шанбе 10 декабр 2016, 06:04

Адвокат: Зайд Саидов иттиҳоми таҷовуз ба номусро қабул накард

18 июл 2013, 18:09

Зайд Саидов, раҳбари боздоштшудаи гурӯҳи ташаббускори таъсиси ҳизби Тоҷикистони нав иттиҳоми нави Оҷонсии зидди фасод дар бораи таҷовуз ба номусро рад кардааст. Дар ин бора Исҳоқ Табаров, яке аз вакилони мудофеи оқои Саидов, ба “Озодагон” хабар дод.

Вай гуфт, Зайд Саидов дар посух ба суоли муфаттишони Оҷонсӣ гуфтааст, духтареро, ки аз болои ӯ ба иттиҳоми таҷовуз ба номус шикоят бурдааст, намедонад ва робита ҳам надоштааст.

Ба гуфтаи вакили мудофеъ, ахиран духтаре ҳамроҳи модараш ба Оҷонсии зидди фасод нома навиштаанд, ки гӯиё дар соли 2008 Зайд Саидов ба номуси ин духтар таҷовуз кардааст. “Ҳанӯз дар ин бора айб эълон нашудааст. Дар ҳоли ҳозир ин танҳо пешниҳод барои оғози парванда аст”,-афзуд ӯ.

Исҳоқ Табаров гуфт, “ин иттиҳом ба ақли солим дуруст намеояд. Дар тӯли ду моҳе, ки Зайд Саидовро аз наздик мешиносем, ҳеч тасаввур карда наметавонем, ки ин ҷиноятро ӯ содир карда бошад. Ин тӯҳматномае беш нест.”

Вай афзуд, мақомот барои исботи ин иттиҳом алайҳи Зайд Саидов дар даст далели кофӣ надоранд. “Ин категорияи ҷиноятҳои бисёр нозук аст. Агар ин воқеа бар хилофи хоҳиши ҷабрдида сурат гирифта бошад, бояд дар бадани ӯ осеб монда бошад. Аз ин ҳодиса панҷ сол гузаштааст, онҳо тоза шикоят мекунанд. Бо чӣ далел?”,-илова кард Табаров.

Зайд Саидов, соҳибкори шинохта ва раҳбари гуруҳи ташаббускори таъсиси ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Қаблан мақомот алайҳи Саидов иттиҳомот ба сӯистифода аз мансаб, пора, қаллобӣ ва бисёрзанӣ пеш гузошта буданд.


Шарҳи худро бинависед:

Ном:*
E-Mail:
Матни шарҳ:
Посух додан
  • dilovar

  • 18 июл 2013 18:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ХАЙРОНАМ ОЗОДИ 1998 МЕНАВИСАД ШУМО 2008,КАДОМАТОН ДУРУСТЕД? НЕКЕ ДА МАСАЛАИ ТАЧОВУЗ ГУФТАНИЯМ КИ У ДУХТА ФОХИШАХАЙ АЙ ПЕШИ ЦУМ ПУЛ ДОДА ОВАРДИЯНША КИ ТО БА ЗАЙД ТУХМАТ КНА,АММО ЧОХКАН ЗЕРИ ЧОХ
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Яхудихои лаъин зани фохишаеро пули бисёр доданд, ки бо тухмати ногахони бигуяд, киМусо пайгомбар бо ман зино кардааст....
Лекин ин Яхудихои хукумати мо хам бо ягон далели катъи исботи гуноҳи Зайд Саидовро натавонистанд бо тачовуз тухматаш мекунанд бо ягон фохишаашон....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Окоёни тафтишгар! Оё намедонед, ки Зайд Саидов маъюб аст ва бо як даст чи тур метавонад духтареро капида, эзорашро ба зури кашида, ба номусаш тачовуз кунад?
О бародарон, тухмат хам хадду андоза доштагист! Охирататонро фикр кунед!
Д У Р У Г ТОРИКИИ и М О Н АСТ, эй бехабарон!
Посух додан
  • Рузадор

  • 19 июл 2013 15:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамфйкри бародарон

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!