Русский  >>  فارسی  >>  Ҷумъа 9 декабр 2016, 08:51

Тамринҳои шабонаи пулис барои парокандасозии гирдиҳамоиҳо дар интихобот

19 июл 2013, 10:06

Рамазон Раҳимов, вазири умури дохилии Тоҷикистон, мегӯяд, маъмурини пулис шабонгоҳҳо барои таъмини амният дар интихобот ва парокандасозии гирдиҳамоиҳо дар Душанбе тамринҳо мекунанд.

Раҳимов, имрӯз, 19-уми июл, зимни нишасти матбуотӣ гуфт, барои амнияту ҷилавгирӣ аз гирдиҳамоиҳои ғайриқонунӣ дар арафаи интихобот дар майдонҳои пойтахт шабонгоҳҳо омодагиҳо мебинанд.

Вазир инчунин таъкид кард, ки соли равон мизони ҷинояткорӣ дар кишвар афзоиш ёфтааст. Ба иттилои ӯ дар шаш моҳи аввал дар ҷумҳурӣ 10 ҳазору 361 ҷиноят сабт шудааст ки нисбати соли гузашта 10,1% ё 957 ҷиноят зиёд мебошад.

Баробари ин вазирати умури дохилии Тоҷикистон мегӯяд, дар шаш моҳи аввали соли равон ба Тоҷикистон 458 ҷасади муҳоҷирон интиқол дода шудаанд. Ба иттилои вазир аз ин рақам 41 нафарашон кушта, 34 нафарашон дар садамаҳо ва боқӣ дар пайи ҳодисаҳои дигар ҳалок гардидаанд.

Дар мавриди лоиҳаи шаҳри бехатар, ки дар доираи он то моҳи ноябри соли равон дар Душанбе насби беш аз 800 камераҳо дар назар аст, Рамазон Раҳимов гуфт, ки бархе мушкилиҳои молиявӣ пайдо шуданд: “Айни ҳол ҳамааш ҳал шуда, то моҳи ноябр татбиқи лоиҳаи шаҳри бехатар дар Душанбе таъмин хоҳад шуд.”

Инчунин вазир таъйид кард, ки реҷаи кор дар дискоклубҳои Душанбе таъмин намегардад. Ӯ гуфт, давоми шаш моҳи соли равон дар 15 дискоклуби пойтахт 441 нафар барои қонунвайронкунӣ ба ҷавобгарӣ кашида шудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Хайрандеш

  • 19 июл 2013 11:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худоё ин чи бешармист, ки барои саркуб кардани халки худ омодаги мебинанд?
Посух додан
  • манучер

  • 19 июл 2013 18:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
итихобот агар шафоф бошад хечгох гирдихамой намешавад
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ачабо!хайрият фазмидаанд, ки мардум ба дод омадааст. Шарм надошта милисахоро фарзандони миллатанд бо мардум чанг меандозанд. Хуб нест ки ба шахрвандон ичозаи ибрози акида дихед то саркуб намудана.
Посух додан
  • Донишчу

  • 19 июл 2013 19:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
458 (!!!) часади мухочир дар 6 мох ин тахминан 5 часад дар хар ду руз. Чи фочиае аз ин беш? Давлатхои сохибиззат аз хар як шахрванди хеш дифоъ мекунанд. Охир чи кадар ин нишондиханда зиед шавад, ки сардорони мо ба изтироб дароянд? Худованд дар ин мохи ачру савоб хамаи онхоро магфират намояд ва ба сарварони мо инсофу хисси шахрвандпарвари ато фамояд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
рахмат чаноби вазир хивзи тартиботи чамъияти ва тинчии мардуми шарифи точикистон аз хама чиз мукаддастар мебошад

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!