19 июл 2013 11:40Тоҷикистон / Дин ва зиндагӣ / Сиёсат

Раиси Маркази исломшиносӣ: "Имом-хатибон барои корҳои динияшон маош намегиранд"

Муродулло Давлатов, раиси Маркази исломшиносии Тоҷикистон, мегӯяд, таъини моҳона барои имом-хатибон барои иҷрои вазифаҳои сирф динӣ-ибодатияшон нест.

Ӯ, ки шоми 18-уми июл дар ин бора зимни суханронии худ дар яке аз барномаҳои телевизиони давлатии Тоҷикистон суҳбат мекард, гуфт: “Ман ҳамин хел бардошт кардам, барои имом-хатибон маҳз ба хотири иҷрои вазифаҳои диниашон маош таъин накардаанд. Онҳо барои ин вазифашон бояд аз Худо подош гиранд, ин маош маҳз барои иҷрои вазифаҳои иҷтимоиашон мебошад.”

Эмомалӣ Раҳмон, раисиҷумҳури Тоҷикистон, рӯзи чоруми июл ҳангоми мулоқоташ бо имом-хатибон ва аҳли ҷомеаи кишвар гуфт, бояд Кумитаи дин то соли нави 2014 имомхатибонро бо либоси ягона ва маош таъмин кунад. Ин изҳороти раисиҷумҳур бо вокунишҳои мухталиф рӯбарӯ шуд ва бархе аз фаъолони ҷомеаи шаҳрвандӣ гуфтанд, агар имом-хатибон аз буҷаи давлат маош бигиранд, пас, ҷомеаи шаҳрвандӣ низ набояд аз ин ҳақ бенасиб монад.

Муродулло Давлатов дар суҳбати худ дар шабакаи аввали Тоҷикистон ба мавзӯи исломи сиёсӣ, масъулияти волидон ва амалҳои интиҳорӣ ҳам дахл карда, аз ҷумла гуфт, бояд манофеи миллию давлатӣ аз ҳар гуна манфиате муқаддам бошад. Вай ҳатто ин нуктаро зикр кард, ки ба гӯши тифлони тоҷик дар баробари хондани калимаи шаҳодат бояд калимаи миллат низ садо дода шавад.

Мӯҳр

Хабарҳои монанд:

Rustam Rustamov

МУРОДУЛЛО ДАВЛАТОВ ТУ ОШКОРО ГАП ЗАН, КИ ВАЗИФААШОНРО БЕ ПУЛ АДО КУНАНД.ВА ИН МАОШ БАРОИ ХАБАРКАШИАШОН ВА ТАЪРИФУ ТАВСИФАШОН ДАР ХАКИ ПРЕЗИДЕНТ ВА БАРОИ БАРОМАД КАРДАНАШОН БАР ЗИДДИ ХНИТ.

Ҷавоб диҳед Иқтибос Шикоят

Сайф

Мухтарам раис, аввал ин ки дар гуши тифл азону комат гуфта мешавад, ба хотири он ки у фарзанди мусалмон аст, дигараш ин ки ислом миллат надорад бинобар ин дар гуши тифл калимаи миллат гуфтан дар ислом нест.. Балки ислом мегуяд, ки ватандори ва хифзи у аз имондорист.

Ҷавоб диҳед Иқтибос Шикоят

Rustam Rustamov

Ранг бину хол пурс. Ба фикрам Муродулло Давлатов тавлакзани Давлатманд Холов будаст чи.????

Ҷавоб диҳед Иқтибос Шикоят

Ахмад

Хо барои онки чизе хукумат мегуяд бе чуну чаро ичро мекунанд барои хамин хизматошон маош чидошон мекнан

Ҷавоб диҳед Иқтибос Шикоят

рахмат рахматов

[b]Rust
[b]Rustam Rustamov[/b],
жони гапа зади рустам рустамов

Ҷавоб диҳед Иқтибос Шикоят

Эзоҳ илова кунед