Русский  >>  فارسی  >>  Шанбе 3 декабр 2016, 03:16

Қирғизистон торнамои узбакии «harakat»-ро баст

19 июл 2013, 12:11

Додситони кулли Қирғизистон гуфтааст, торнамои узбакии «harakat.net» аз моҳи май то моҳи июни соли равон матлабҳоеро нашр кардааст, ки ба низои қавмӣ миёни қирғизҳо ва узбакҳо даъват мекунад.

Тибқи хулосаи Донишгоҳи давлатии Уш, матлабҳое, ки «нarakat.net» чоп кардааст, “эҳсоси манфии намояндаҳои ду миллатро ба вуҷуд оварда, сабаби низоъ ва даргирӣ дар пояи нажодпарастӣ мешаванд».

Додситони кулли Қирғизистон бо назардошти ин ки идея ва нигоҳҳои дар мақолаҳои «harakat.net» зикршуда тарғибгари бадбинии як миллат нисбат ба миллати дигар аст ва ҳамчунин мазмуни сепаратистӣ доранд, бо мақсади таъмини амнияти миллии Қирғизистон ва ҷилавгирӣ аз эҳтимоли сар задании эътирозҳо миёни намояндаҳои ду миллат барои ғайриқонунӣ донистани ин торнамо ва масдуд кардани он дар қаламрави ин кишвар ба суд ариза ирсол шудааст. Додгоҳи шаҳри Уш ҳам аризаро қонеъ кардааст.

Торнамои «harakat.net» дар қаламрави Узбакистон ҳам масдуд аст. Мақомоти Узбакистон онро як сомонаи оппозитсионӣ медонанд.

«harakat.net» худро як Оҷонсии мустақили хабарӣ муаррифӣ карда, бо забонҳои узбакӣ, русӣ ва англисӣ хабару мақола нашр мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!