Русский  >>  فارسی  >>  Шанбе 3 декабр 2016, 14:36

Асрорӣ: Сафари хориҷии сарояндаҳои тоҷик бояд назорат шавад

22 июл 2013, 16:08

Вазорати фарҳанги Тоҷикистон мегӯяд, таҳияи ҳуҷҷат, ки ба танзими сафарҳои хориҷии сарояндаҳои тоҷик равона шудааст, дар ҳоли баррасӣ ва таҳия қарор дорад.

Мирзошоҳрух Асрорӣ, вазири фарҳанги кишвар имрӯз, 22-юми июл, зимни нишасти матбуотии ин вазорат гуфт, баъди омӯзиш бори дигар ба чунин хулоса омадаанд, ки қабули санаде вобсата ба танзими сафари ҳунармандон ба хориҷа амри воқеӣ мебошад ва имрӯз дар тамоми кишварҳои дунё сафари гурӯҳҳои ҳунарӣ танзим карда мешавад: «Ҳамаи паҳлуҳои ҳуқуқии ин масъаларо омӯхта истодаем, албатта мо бо тамоми сохторҳои вобаста кор карда истодаем. Фикру пешниҳодҳо дар мавриди қабули танзими сафари ҳунармандон зиёд буданд, ҷонибдорон низ бисёр буданд, муқобил ҳам».

Ба қавли Мирзошоҳрух Асрорӣ, санади мазкур на танҳо ба хотири он қабул мегардад, ки сарояндаҳо ба кишваре мераванду фарҳанги як халқ, як миллатро намояндагӣ мекунанд, балки ин ба хотири таъмини амнияти гурӯҳҳои ҳунарӣ ва дигар самти фаъолияти онҳо низ мебошад.

Вазири фарҳанг иброз дошт, ки умедвор аст, қабули ин санад дар фаъолияти ҳунармандони Тоҷикистон созгор хоҳад шуд.
Мавриди зикр аст, 21-уми январи соли равон вазири фарҳанг дар ҳузури хабарнигорон таҳияи лоиҳа дар бораи танзими сафари ҳунармандон ба хориҷаро эълон намуда буд, ки ҳоло низ лоиҳаи мазкур дар ҳоли баррасӣ қарор дорад.

Асрорӣ ҳамчунин таъкид намуд, ки ҳарчанд ташрифи сарояндаҳои хориҷа ба Тоҷикистон аз ҷониби бархе сохторҳои дигар ва ё ширкатҳо сурат мегирад, вале вобаста ба ин масъала, хусусан дар интихоби толор, макони баргузории барномаи онҳо назари Вазорати фарҳанг ба инобат гирифта мешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • ыва

  • 24 июл 2013 08:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сарояндахои точик дар хорича аз номи Точикистон баромад намекунанд. Ин бизнес аст. Чи гуна барнома дорад, ин кори фазорати фарханг нест. танхо Кумитаи андоз метавонад оиди даромади сароянда дар хорич ба максади андозситони назорат барад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!