Русский  >>  فارسی  >>  Панҷшанбе 8 декабр 2016, 23:08

Чаҳор сол шуд, ки 22 июл Рӯзи забони тоҷикӣ нест

22 июл 2013, 16:25

Чаҳор сол мешавад, ки сокинони Тоҷикистон 22-юми июлро ҳамчун Рӯзи забони тоҷикӣ таҷлил намекунанд. Ҳарчанд 24 сол қабл дар ин рӯз забони тоҷикӣ мақоми давлатӣ гирифта, баъдан донистани он барои аксар хизматчиёни давлатӣ, аз ҷумла вакилони мардумӣ ҳатмӣ шуд.

Маҷлиси Намояндагон, палатаи поёнии парлумони Тоҷикистон, соли 2009 тарҳи нави Қонуни забонро тасвиб кард ва рӯзи Иди забонро ба 5-уми октябр кӯчонд, ки мусодиф бо зодрӯзи Эмомалӣ Раҳмон, раисҷумҳури Тоҷикистон, аст.

Нахустин қонуни забони тоҷикӣ дар пайи пофишорӣ ва талошҳои рӯшанфикрони тоҷик рӯзи 22-юми июли соли 1989, дар замони пойбарҷоии Шӯравии пешин, ба тасвиб расида буд. Он замон номи қонунро дар баробари тоҷикӣ вожаи форсӣ дар қавсайн низ ҳамроҳӣ мекард. Аммо ҳоло унвони қонуни забони тоҷикӣ бидуни форсӣ боқӣ мондааст. Зеро дар соли 1994 як идда аз намояндаҳои маҷлиси Тоҷикистон пешниҳод карданд, то калимаи «форсӣ» аз унвони қонуни забони тоҷикӣ берун андохта шавад.

Дар охирин баррасии тарҳи қонуни забони тоҷикӣ ҳам ду намояндаи Ҳизби наҳзати исломӣ талош карданд, то унвони забони тоҷикӣ забони тоҷикии форсӣ бошад, вале ин пешниҳод аз сӯйи вакилони дигар пазируфта нашуд. Худи мақомоти расмии Тоҷикистон ҳам мегӯянд, ҳоло зарурате барои бозгашт ба хатти форсиро намебинанд. Ин ҳарфҳо аз забони раисиҷумҳури Тоҷикистон Эмомалӣ Раҳмон низ расман дар соли 2008 дар пайи талошҳо ва даъватҳои рӯшанфикрони тоҷик барои бозгашти тоҷикон ба хатти форсӣ садо дод.


Шарҳи худро бинависед:

Ном:*
E-Mail:
Матни шарҳ:
Посух додан
  • Додочон

  • 22 июл 2013 17:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин Эмомали буд, ки забону давлат баркарор шуд. Шумо мешудед, хамин забонро ам ба як компютер ё фотоапарат иваз мекардед ба ягон хоричи. Шумо кадри забонро чи медонед. 22 аст ё 5 аст, фаркаш чи асос ин ки кайд мешавад. Мавкеъ дорад, забони давлатии точики.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ДОДОЧОН. Бе хамин Эмомали хам забони точики ва форси забонхое мебошанд, ки чандин хазор донишмандону бузургон чандин дастону газалиёт чандин корхои ъилмиеро навиштаанд, ки то рузи киёмат ва баъди киёмат хам киматаш паст намешавад...
Гапхои сафсатаатро ба зердастонат гуй...!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
22 июл ин руз рузи зобон ин санаро кучонидан худаш ахмакгари
Посух додан
  • Таботаи

  • 2 октябр 2014 08:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аслан таърих бояд хамон 22-юми июль бошад,зеро он ходисаи таърихист!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!