Русский  >>  فارسی  >>  Ҷумъа 9 декабр 2016, 18:32

Пешниҳоди генерали КГБ дар бораи “Сешанбеи сиёҳ”

23 июл 2013, 09:28

Генерал Оразшоҳ Пояндашоев, собиқ муовини раиси Кумитаи амнияти миллии Тоҷикистон, бо навиштани як муроҷиатнома аз мардуми Тоҷикистон хостааст, ба хотири ёдбуди шаҳидони солҳои 1992-2013 ҳамасола 24-уми июлро ҳамчун рӯзи “Сешанбеи сиёҳ” қайд бикунанд. Рӯзи 24-уми июли соли 2012 амалиёти низомӣ дар Хоруғ оғоз ва бо марги беш аз 70 нафар поён ёфт.

Ба пешниҳоди ин генерал, дар рӯзи 24-уми июл мардуми тоҷик ба хотири қурбониёни солҳои 1992-2013 дар сари синаи чапи худ лентаи сиёҳ баста, дар тамоми ҷумҳурӣ дақиқаи сукут низ эълон шавад. Дар муроҷиатнома омадааст, дар ин рӯз оромгоҳи ҳар як қурбониву шаҳид гулгузорӣ гардида, барои онҳо тандис, барои мардум оши оштӣ, ба хонаводаи қурбониён кумакпӯлӣ ҷудо гардида, 24-уми июл тамоми шаҳрвандон аз ҳамдигар узр бипурсанд.

Оразшоҳ Пояндашоев ҳамзамон навиштааст, амалиёти Хоруғ дар вилояти Бадахшон аз ҷониби ҳукумати кишвар қасдан роҳандозӣ шудааст. “Дар сурати дигар мо мебинем, ки то имрӯз даҳҳо генерали дигар кушта шуданд. Аммо чаро ҳукумати Тоҷикистон танҳо барои пайдо кардани қотилони Абдулло Назаров амалиёти низомӣ баргузор кард?”,-мепурсад ҷаноби Пояндашоев.

Ба навиштаи Оразшоҳ Пояндашоев, ҳукумати Тоҷикистон нақшаи баргузор кардани чунин як амалиётро дар вилояти Бадахшон 3 моҳ қабл то замони қатли генерал Назаров тарҳрезӣ карда буданд.

Амалиёти низомӣ дар Хоруғ 24-уми июли соли гузашта, дар пайи қатли генерали амният Абдулло Назаров оғоз шуда, даҳҳо қурбонӣ бар ҷой гузошт. Дидбони ҳуқуқи башар ё Ҳюман Райтс Вотч бо гузашти тақрибан як сол аз ҳодисаҳои Хоруғ, маркази Бадахшон, гуфт, дар ин ноамниҳо 20 сокини осоишта ҷони худро аз даст дода буданд.

Дар ҷараёни даргирии мусаллаҳона миёни нерӯҳои ҳукуматӣ ва мухолифони мусаллаҳ дар Хоруғ моҳи июли соли гузашта, аз ҷумла Сабзалӣ Мамадризоев, раҳбари шӯъбаи бадахшонии ҲНИТ ва ҳамчунин Имумназар Имумназаров, яке аз фармондеҳони собиқ, кушта шуда, чанд тани дигар, аз ҷумла Шерик Карамхудоев (раҳбари бахши ҲНИТ дар Хоруғ) ва дигарон боздошту зиндонӣ гардиданд.


Шарҳи худро бинависед:

Ном:*
E-Mail:
Матни шарҳ:
Посух додан
  • хонанда

  • 23 июл 2013 10:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
(Ба хотири ёдбуди шаҳидони солҳои 1992-2013 ҳамасола 24-уми июлро ҳамчун рӯзи “Сешанбеи сиёҳ” қайд бикунанд) Чаро ба хотири шахидони 1992 хам 24 июл рузи сиёх эълон шавад? охир аз 1992 то 2013 ин миллат рузхои сангинтарро ба сар бурдааст, ки рузе шояд даххо баробар бештар аз 24 июл хуни бегунохон рехта шудааст.
Шахсан чонибдори поси хотири шахидони Бадахшон мебошам, аммо на он тавре ки чаноби генерал пешниход намудааст
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рафиқ генерал кай шумо маҳалгароиро бас мекунед а? Боз сар мекунед а? Ба ёд доред соли 1992 ки митингҳоро оғоз карда буд. Як ба хотир биёред. Митинга сар кардеду сони худатона ба қафо кашидед.Бадбахтии миллати тоҷик ҳамин буд, ки мо шумо барин генералҳо доштем дар солҳои 1991-92. Чи магар ба мисли бадахшониҳо гуруҳҳои ҷиноятӣ дар Суғд набуданд а? Чи магар мардуми Суғд зарар надидаанд а?Чи магар аз мардуми Қаротегин аз пушти чунин хоинони миллат ба мисли наркоманҳои бадахшонӣ зарар надида буданд а? Магар мадуми Кулоб ва Вахшонзамин аз пушти ингуна наркоманҳо намурдаанд ё зарар надидаанд а? Модари Бадахшонӣ модар будааст, фарзанди бадахшонӣ фарзанд будаасту модар ва фарзандони минтақаҳои дигар Тоҷикистон не а? Мардуми шарифи минтақаҳои дигари Тоҷикистон одам нестанд магар? То кай маҳалгароӣ мекунед. Як бор ҷанг кардед баст набуд? Агар мардуми шарифи Бадахшон аз рузи аввал бар зидди ин хоинони миллат, ки дар модари тоҷик ва фарзандони тоҷикро ба мисли сипар истифода мебурданд, ҷанг эълон мекард, имруз мо оид ба ин сухан намегуфтем. Оё гунаҳгор ки будаст? Номуси шумо куҷо буд, вақте ки духтари ноболиғи Бадахшониро ба наркаманҳои афғонӣ ин "қаҳрамонҳои бадахшонӣ" мефурухтанд. Шумо чаро он вақт даҳон боз накардед. Куҷо пинҳон будед рафиқ генерал. Ҳайф, сад ҳайф, ки тақдири миллати тоҷик ба мисли шумо барин генералҳо дар соли 1991-92 буд. Ман мебудам ба ҷои шумо шарм мекардам барои гап задан ва бахшиш мепурсидам барои солҳои 1991-92.
Озодагон илтимос чоп кун.
Посух додан
  • Одил

  • 23 июл 2013 11:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рафик "генерали махалгарои игвогар" гап сари генерал Абдулло Назаров намеревад вай дар ичрои вазифаи хизматиаш буд. Сардори раёсати КАМ. Фахмиши Шумо мисли чакафурушхои бозори Саховат аст. Аз лента бастана ду рукат намоз бхону ба бутпарасти хотима дех.
Посух додан
  • Шохдара

  • 23 июл 2013 11:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
пешниҳоди генерал Оразшо Пояндашоев дар мавриди ҳуҷуми мусаллаҳона ба сари мардуми осоиштаи Хоруғшаҳр дар тахрихи 24 июл , яъне эълони "Сешанбеи сиёҳ" вокеан аз руи имон ва эҳтиромӣ инсонҳо ба қурбониёни ҳар ду тараф аст ва онро ҳар инсони гуманист бояд, ки дастгирӣ ва поси хотир дорад. Худованд ватани моро тинҷу ором нигоҳ дорад.
Посух додан
  • Душанбеги

  • 23 июл 2013 12:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ШУмо ин генералро насихат мекунед бачахакои кумитаву худатон накшаи игворо мекашед, Вакте як нафар хакикатро ошкор кард, шумо зуд аз ким кадом гуша пайдо мешавед. Ин генерал ва корманди собики кумита вазифаи инсонии худро анчом дод ва сирри шумо ва хукумат ва сарварашро фош кард.Браво генерал!
Посух додан
  • Бадахшони

  • 23 июл 2013 12:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
О бародар ту аклатро кор фармон чи гуфта истодаи, ту хубаш калима арза кун аз ин тарафат он тарафат кариб омадааст. Хамин ёдбуду бутпарастиро кариб фаромуш карда буданд. Фочиа фочиа фочиаро худамон ташкил кардем на хукумат гуфти русхо аб... кардаги будем...
Посух додан
  • Факир

  • 23 июл 2013 14:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Албатта ин пешниходи генерал фикр мекунам махалгарои набошад, зеро дар он хамаи шахидон дар назар гирифта шудаанд. Баъдан чаро 24 июл гуфтааст, ба назарам дар хакикат дар як замони осоишта дар ороми бо 3000 сарбозу афсари артиш дар соати 4 сахар (мисли хамлаи олмони фашисти, ки соати 4 сахар буд) ба сари мардуми худ хамла кардан шояд дар таърих кам иттифок афтода бошад. Баъдан ин генерал як генерали хирфаи ва шояд бисёр чизхоеро медонад, ки мо намедонем.
Боки Худо донад!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам Оразшо Шумо якзамоне дар макоми олии КГБ-и Точикистон будед ва бисере бадахшонихо ба шумо фахр мекарданд Вале ба сари хамдиёрони шумо чи кадар бадбахтихо омаданд Садхо нафар бадахшонии бегунох кушта шуданд даххо нафар дару хонаи худро гум карданд, Садхо хона горат гардид , одамон дар куча бе хеч чиз монданд. Хазорхо помири чойи зисти доимии худро тарк карда, дарватани худу бегона гуреза шуданд. обрую эътибори пештар доштаашонро аз даст доданд. Хамаи ин аз нотавонии шумо ва дигар лидерхо буд, ба ибораи дигар шумо ба мардуми Помир хиёнат кардед. Он зарари модди ва маънавие, ки садхо нафар аз мардуми Помир диданд. Шумо надидед, дар чойи амн будед, хонаатонро хам касе горат накард.Холо бошад аз нав ба ходисахои Хоруг дахл карда гуё сири мухимеро ошкор кардед. Дар Хоруг гуруххои силохбадасти гайри конуни буданд,ки кори макомоти давлатиро халалдор мекарданд. Инро хама аз боло то поён медонистанд. Сабаби рохандозии амалиёт низ хамнхо буданд на мардуми оддии ин шахр. Мухтарам генерал! Монед бадахшонихо ором зиндаги кунанд. Такрори солхои 90-ум бар зарари мардуми ин вилоят аст Кохи кухнаро аз нав бод додан фоида надорад! Мардумро аз нав ноором накунед!!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба Рустам Хакикатан хам одами беаклу нодони. Пеш аз сухан гуфтаанд аввал андеша, ту боши ба фикрам аввал сухан мекуни баъд андеша. Ба худ савол намедихи, ки бештари наркотикхо аз кучо ва тарики кихо ба Точикистон ворид мешавад. Албатта касе, ки сари кудрат аст ва ба хама маълум аст, ки 90 фоизи наркота за самти Хатлону Кулоб ба Душанбеву Сугд ворид мешавад. Майлаш дар Бадахшон як ё ду вокеаи интиколи духтарон ба Афгонистон агар чой дошта бошад, пас дар таи фуки тую хукумати дустдоштаат хар хафта даххо духтаракхои чавони сугди, рашти, кулоби ва дигаронро барои шахвони (проституция) ва гуломи ба Турция ва давлатхои Араб бурдестанд. Чаро то имруз ташкилкунандагони ин бизнесро ба чавобгари намекашанд? Чавоб хар яки онхо сохиб (крыша) аз хисоби рохбарияти давлат доранд. Ва дар ин кор хама даст доранд. Ки бояд кира капа???????
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
[b]рустам[Номи ту Рустам нест,номи ту Шайтон аст.Аввалаш ин ки ягон авлоду асхобу бобову падару падарандарат,ба ягон рузи хизмати ин генерал наздик набуданду намешаванд.Оразшох Пояндашоевро хатто Андропов в Кремлу рохбарони КГБ и СССР мешинохтанд.Онхо гапхову дархостхои худро дар назди рохбарони ЦК.КГБ ва Брежневу Горбачев мегузарониданд.Гапи ту мумкин,ки ба занат нагузарад.Бале,гапат ба занат намегузарад.Митингу эътирозхо дар тамоми руи дунё буданд.Ин генералро Москва ва Кремль хуб мешинохтанд.Кавкозихо гумон мекарданд.ки генерал аз Кафкоз аст.Ана хамин хел мардони багурдаи пахлавонсурату пахлавонсифати кухистони Точикистон,моро дар мамлакати СССР ва берун аз он нишон медоданд.Чангро ки сар кард.хама медонанд.Сангак Сафарови мудири буфету.дуторзани игвогар Абдурахиов Рустам,бо тамоми гвардияи худ аввалхои мохи май-1992-сол ба дасти митингарони "Шахидон" афтоданд.Командири гвардия,собик гуштингири пахлавон,Бурихон Чобиров,ки унвони подполковникро дошт ,гурехта пинхон шуд.Онхоро накуштанд ку?.Дар озод кардани Сангак ва дуторзани майзада,хусусан Д.Худоназарову афсарони бадахшонии КГБ и РСС Точикистон хисса гузоштанд.Ман шохиди хамон лахзахо будам.Гурухи Кори Махмадчони кургонтеппаги хостанд,ки хардуи онхоро ба Кургонтеппа баранд.Онхо(хизматчиёни КГБ) дар либосхои харби омада,он ду касро озод карда ба Кулоб фиристонданд,ки сулху салох шавад.Худорахматии генерал Абдулло Назаров хам дар сафхои оппозиция буд.Маълум гашт,ки у аз дасти 3-4 нафар бадахшонихо ба катл расид.Мегуянд,ки мархум хело дагаливу кабехи кардааст.Хамон 3-4 нафарро магар МВД ва КАМ и Точикистон имконияти дастгир карданро надошт?.Онхо албатта мегурехтанд,лекин ба даст меафтоданд.Барои кайк шуда,пустинро сузондан чи лозим.Бале,он амалиётхо террори давлати ба сари мардуми осоишта-шахрвандони Точикистон буд.Холо ягон шахси наздику азизатро аз даст дех.баъд мефахми,ки фироку андух чист."Рустам".

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!