Барои 146 гол дар ду бозӣ футболбозон як умр аз ҳаққи ширкат маҳрум шуданд
Федератсияи футболи Нигерия (NFF) ҳамаи иштирокчиёни ду бозии лигаи ҳаваскориро, ки бо ҳисоби 79:0 ва 67:0 поён ёфт, якумр аз ҳаққи бозӣ маҳрум кардааст. Ҳар чор клуб бошад, барои 10 сол ҳаққи ширкат дар бозиҳои расмиро надоранд.
Дар изҳороти NFF омадааст, ки ному насаби бозигарон ва доварони ин рақобатҳо баъдан нашр мешаванд.
Дидори «Плато Юнайтед Фидерс» - «Акурба» (79:0) ва «Полис Машин» - «Бабаяро» (67:0) оғози моҳи июл баргузор шуда буд. Қабл аз бозиҳои даври охири плей-оффи дивизиони чоруми лигаи ҳаваскорон имтиёзи «Полис Машин» ва «Плато Юнайтед Фидерс» баробар буд. Дар сурати пирӯзии ин дастаҳо дар даври охир аз рӯйи таносуби тӯбҳо ғолиб муайян мешуд (қабл аз бозӣ он ҳам баробар буд).
Чун «Плато Юнайтед Фидерс» бо ҳисоби бештар дастболо шуд, мебоист маҳз он дар ҷадвали мусобиқот ҷои аввалро ишғол мекард, аммо раҳбарияти лига натиҷаи ҳар ду бозиро бекор кардааст.
Муҳаммад Санусӣ, сарвари кумитаи мусобиқоти Федератсияи футболи Нигерия натиҷаи ин бозиҳоро «шармандагӣ» хонда гуфта буд, раҳбарияти лигаи ҳаваскорӣ ояндаи наздик дар робита ба ин бозиҳо тасмим хоҳад гирифт.
Эммануэл Адесаня, дабири кумитаи иҷроияи лигаи ҳаваскорӣ «Плато Юнайтед Фидерс» ва «Полис Машин»-ро «тимҳои найрангбоз» унвон кард ва гуфт, ки барояшон дар лига ҷой нест. Вай ҳамчунин афзуд, довароне, ки ин бозиҳоро назорат мекарданд, мувақкатан аз кор ронда шудаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |