Русский  >>  فارسی  >>  Якшанбе 25 июн 2017, 00:06

Тоҷикистон барои таҳсили ҷавонон аз Кувайт квота хост

23 июл 2013, 16:57

Мақомоти Тоҷикистон аз Кувайт хостаанд, барои донишҷӯёни тоҷик ҷиҳати таҳсил дар макотиби олии ин кишвар бурсияҳо ҷудо кунад.

Дафтари матбуоти Вазорати умури хориҷии Тоҷикистон мегӯяд, ин нукта рӯзи 20-уми июл зимни дидори Зубайдулло Зубайдов, сафири Тоҷикистон дар Кувайт бо шайх Ҷобир Муборак ал-Аҳмад ас-Сабоҳ, нахуствазири ин кишвар, матраҳ шудааст.

Нахуствазири Кувайт аз ин пешниҳоди Тоҷикистон дар мавриди ҷудо кардани бурсияҳо барои донишҷӯёни тоҷик истиқбол намуда, гуфтааст, ин масъала дар наздиктарин фурсат ҳалли худро хоҳад ёфт.

Инчунин, шайх Ҷобир Муборак ал-Аҳмад ас-Сабоҳ ҷонибдории пурраи роҳбарияти кишварашро аз ташаббусҳои Тоҷикистон дар соҳаи об дубора зикр карда, афзудааст, намояндагони кишвараш дар Конфронси байналмилалии оид ба ҳамкорӣ дар соҳаи об, ки қарор аст, моҳи август дар шаҳри Душанбе доир гардад, иштирок мекунанд.

Ин дархости Тоҷикистон дар ҳолест, ки ахиран Вазорати маорифи кишвар аз қатъи ирсоли донишҷӯёни тоҷик ба Миср хабар дода, сабабашро ҳаводиси ахири ин кишвар унвон карда буд.

Видеои нашршуда


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!