Русский  >>  فارسی  >>  Чоршанбе 7 декабр 2016, 00:56

Ректор тариқи суд аз донишҷӯён 55 ҳазор сомонӣ ситондааст

25 июл 2013, 09:47

Маҳмад Шодиев, ректори Донишгоҳи давлатии Қӯрғонтеппа ба номи Носири Хусрав, дар як нишасти хабарӣ, гуфт, ҳарчанд сафи донишҷӯёни роҳдури ниёзманд ба хобгоҳ кам нест, аммо айни ҳол баҳри ҳалли ин масъала ҳеҷ ваъдае дода наметавонад: “Мо як хобгоҳ ва 352 кати хоб дорем. Пайдо кардани ҷойи иловагӣ кори як-ду рӯз нест. Талабгорон хеле зиёданд, вале мо аввал маъюбон ва нафарони бо тариқи квотаи президентӣ дохилшударо ҷой менамоем. Чораҳо меандешем, вале кай ба ин муваффақ мешавем, ҳоло намедонам.”

Шодиев инчунин таъкид кард, ки ба ҷойи кор ҳозир шудани хатмкардаҳои факултаҳои омӯзгорӣ низ то ҳол мушкили ҳалношуда боқӣ мондааст: “Соли гузашта донишгоҳро 835 нафар ҳамчун муаллим хатм кард. Аз ин 118 нафар ба ҷойи кор ҳозир нашуда буд. 12 нафарашон ба сафи артиш пайвастанд. Азбаски инҳо аз ҳисоби буҷети давлат таҳсил карда буданд, бо тариқи судӣ 55 ҳазор сомонӣ маблағи сарфшударо барқарор кардем. Яъне дар соли таҳсили 2012-2013 ҳамагӣ 7-8 дарсади хатмкардаҳои мо ба ҷойи кор ҳозир нашудаанд.”

Дар мавриди тайёрӣ ба зимистон ректори донишгоҳ илова намуд, ки “ҳоло системаи мустақили гармидиҳӣ надорем. Онро ба яксӯму дусӯм сохта намешавад. Агар инро ҳам ҳал кардан имкон медошт, дар ин маврид дигар ҳеҷ мушкиле намедоштем.”


Шарҳи худро бинависед:

Ном:*
E-Mail:
Матни шарҳ:
Посух додан
  • бурхон

  • 26 июл 2013 21:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
рости чаноби ректор мушкилихои зиёд доштаенд мушкилихиои худатонро хал мекунед ё мушкилихои донишгохро

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!